മലമ്പുഴ: ആര്മിയുടെ സഹായത്തോടെ, മലമ്പുഴ ചേറാട് മലയില് കുടുങ്ങി കിടക്കുന്ന ബാബുവിനെ രക്ഷിക്കാന് ശ്രമം ആരംഭിച്ചു. പര്വതാരോഹണ സംഘത്തിലെ വിദഗ്ധരാണ് ആര്മി ദൗത്യസംഘത്തില് ഉള്പ്പെട്ടിട്ടുള്ളത്. കാര്ഗില് ഓപറേഷന്, ഉത്തരാഖണ്ഡ് ദൗത്യം എന്നിവയില് പങ്കെടുത്തവരാണ് മലമ്പുഴയിലേക്ക് എത്തിയത്. രാത്രി പത്തോടെ രക്ഷാപ്രവര്ത്തനം ആരംഭിച്ചു.
പത്ത് പേരുള്ള രക്ഷാസംഘത്തില് ക്ലൈംബിംഗ് വിദഗ്ധരായ നാല് പേരുണ്ട്. ഒരാള് ലെഫ്നന്റ് കമാന്ഡ് റാങ്കിലുള്ള ഉദ്യോഗസ്ഥനാണ്. യുദ്ധ സമയത്തുള്ള രക്ഷാപ്രവര്ത്തനം ഉള്പ്പെടെ നടത്തിയ സംഘമാണ് നിലവില് ചെറാട് മലയില് കുടുങ്ങിയ ബാബുവിന്റെ രക്ഷയ്ക്കായി എത്തുന്നത്. അതിനാല് രാത്രി തന്നെ ബാബുവിനെ രക്ഷിക്കാന് സാധിക്കുമെന്ന പ്രതീക്ഷയിലാണ് നാട്ടുകാര്
ചെങ്കുത്തായ കൂര്മ്പാച്ചി മലയിലാണ് ബാബു എന്ന യുവാവ് കുടുങ്ങിയത്. യുവാവിനെ ഹെലികോപ്ടര് ഉപയോഗിച്ച് താഴെയിറക്കാന് നീക്കം നടത്തിയെങ്കിലും ഫലം കണ്ടില്ല. കോസ്റ്റ് ഗാര്ഡിന്റെ ഹെലികോപ്റ്റര് മലയിലേക്ക് എത്തിയെങ്കിലും ശക്തമായ കാറ്റ് മൂലം യുവാവിന്റെ അരികിലെത്താനോ നിയന്ത്രിച്ചുനിര്ത്താനോ സാധിച്ചില്ല. ഹെലികോപ്റ്റര് ഉപയോഗിച്ച് തന്നെ ബാബുവിന് ഭക്ഷണവും വെള്ളവും എത്തിക്കാനുള്ള നീക്കവും നടക്കുന്നുണ്ട്.
Comments