നോയിഡ: പോളിങ് ബൂത്തിലേക്ക് എത്തിയ വോട്ടറെ കണ്ടപ്പോൾ ആദ്യം വരിയിൽ നിന്നിരുന്ന സമ്മതിദായകർ ഞെട്ടി. വേഷം കണ്ടപ്പോൾ മുഖ്യമന്ത്രി യോഗി ആദിത്യനാഥ് ആണെന്നാണ് എല്ലാവർക്കും തോന്നിയത്. നോയിഡയിലെ ഒരു വോട്ടർ തന്റെ വസ്ത്രധാരണത്തിന്റെ പേരിലാണ് ശ്രദ്ധ പിടിച്ചുപറ്റിയത്. എല്ലാ കണ്ണുകളും അദ്ദേഹത്തിലേക്ക് തന്നെ ആയിരുന്നു. മുഖ്യമന്ത്രി യോഗി ആദിത്യനാഥിനെ അനുകരിച്ച് കാവി വസ്ത്രം ധരിച്ചെത്തിയ രാജു കോഹ്ലിയാണ് മറ്റു വോട്ടർമാരെ അതിശയിപ്പിച്ചത്.
#WATCH | Raju Kohli, a youth dressed as CM Yogi Adityanath arrived at a polling booth in Sector 11 of Noida to cast his vote for #UttarPradeshElections2022 pic.twitter.com/3o5gTH6b3q
— ANI UP/Uttarakhand (@ANINewsUP) February 10, 2022
യുപി തിരഞ്ഞെടുപ്പിന്റെ ഒന്നാം ഘട്ടത്തിൽ വോട്ട് ചെയ്യുന്നതിനായാണ് നോയിഡയിലെ വോട്ടർ യോഗിയുടേത് പോലുളള വസ്ത്രം ധരിച്ചെത്തിയത്. സെക്ടർ-11 നോയിഡയിലെ വോട്ടറായ രാജു കോഹ്ലി പോളിംഗ് സ്റ്റേഷന് അടുത്തേക്ക് നടക്കുമ്പോൾ ഏവരും അമ്പരന്നു. യുപി മുഖ്യമന്ത്രിയുമായുള്ള അദ്ദേഹത്തിന്റെ സാമ്യം ഏവരെയും അത്ഭുതപ്പെടുത്തി. മൊട്ടത്തലയും കാവി വസ്ത്രം ധരിച്ചെത്തിയ രാജുവിനെ യോഗി ആദിത്യനാഥിനെ പോലെ തോന്നിപ്പിച്ചതായി ചില വോട്ടർമാർ പറഞ്ഞു.
പശ്ചിമ യുപിയിലെ മുസാഫർനഗറിൽ നിന്നുള്ള ഒരു വരൻ തന്റെ വിവാഹത്തിന് ഏതാനും മണിക്കൂറുകൾ മാത്രം ശേഷിക്കെ വോട്ട് ചെയ്യാൻ എത്തിയതും കൗതുകമായി. എന്തുകൊണ്ടാണ് വ്യത്യസ്തമായി വസ്ത്രം ധരിച്ചതെന്ന് ചോദിച്ചപ്പോൾ, താൻ വരനാണെന്നും വിവാഹ ഘോഷയാത്രയിൽ ചേരുന്നതിന് മുമ്പ് വോട്ട് ചെയ്യണമെന്നും അദ്ദേഹം അറിയിച്ചു.
#WATCH | "Pehle matdaan, uske baad bahu, uske baad sab kaam," says Ankur Balyan, a bridegroom who had come to cast his vote at a polling booth in Muzaffarnagar ahead of his wedding today.#UttarPradeshElections2022 pic.twitter.com/KaYsv5s2Bb
— ANI UP/Uttarakhand (@ANINewsUP) February 10, 2022
ഉത്തർപ്രദേശിൽ 11 ജില്ലകളിലെ 58 മണ്ഡലങ്ങളിലാണ് ആദ്യ ഘട്ട വോട്ടെടുപ്പ് നടക്കുന്നത്. രാവിലെ ഏഴിന് ആരംഭിച്ച വോട്ടെടുപ്പ് വൈകിട്ട് ആറിന് അവസാനിക്കും. മുസാഫർനഗർ, മീററ്റ്, ബാഗ്പത്, ഗാസിയാബാദ്, ഷാംലി, ഹാപൂർ, ഗൗതം ബുദ്ധ നഗർ, ബുലന്ദ്ഷഹർ, അലിഗഡ്, ആഗ്ര, മഥുര എന്നീ ജില്ലകളിലാണ് തിരഞ്ഞെടുപ്പ് നടക്കുന്നത്. സംസ്ഥാനത്തിന്റെ പടിഞ്ഞാറൻ യുപി, ദോബ് മേഖലകളിലാണ് ആദ്യഘട്ടത്തിൽ വോട്ടെടുപ്പ്. നിയമസഭാ തെരഞ്ഞെടുപ്പിന്റെ ആദ്യഘട്ടത്തിൽ ഉച്ചകഴിഞ്ഞ് 3 മണിവരെ ഉത്തർപ്രദേശിൽ ശരാശരി 35.03% പോളിങ് രേഖപ്പെടുത്തി.
Comments