മാക്‌സ്‌വെല്ലിന്റേയും വിനിയുടേയും വിവാഹം അടുത്ത മാസം; വൈറലായി തമിഴ് ഭാഷയിലുള്ള ക്ഷണക്കത്ത്

ഓസ്‌ട്രേലിയൻ ക്രിക്കറ്റ് താരം ഗ്ലെൻ മാക്‌സ്‌വെല്ലും തമിഴ് വംശജയായ വിനി രാമനും തമ്മിലുള്ള വിവാഹം അടുത്ത മാസം 27ന് നടക്കും. തമിഴ് ഭാഷയിലുള്ള ഇരുവരുടേയും വിവാഹക്കുറി സമൂഹമാദ്ധ്യമങ്ങളിൽ വൈറലാണ്. 27ന് പകൽ 11.35നും 12.35നും ഇടയിലുള്ള മുഹൂർത്തത്തിൽ മെൽബണിലെ വോഗ് ബോൾ റൂമിൽ വച്ച് തമിഴ് ആചാരപ്രകാരമായിരിക്കും ചടങ്ങുകൾ നടക്കുന്നത്. ഇരുവരുടേയും വിവാഹനിശ്ചയം കഴിഞ്ഞ വർഷം നടന്നിരുന്നു.

തമിഴ്‌നാട്ടിലെ വെല്ലൂരിൽ നിന്നുള്ള വെങ്കട്ട് രാമന്റേയും വിജയലക്ഷ്മി രാമന്റേയും മകളാണ് വിനി. ജനിച്ചതും വളർന്നതുമെല്ലാം ഓസ്‌ട്രേലിയയിലാണെങ്കിലും തമിഴ് പാരമ്പര്യം പിന്തുടരുന്ന കുടുംബമാണ് ഇവരുടേത്. ഇതുകൊണ്ടാണ് വിവാഹവും തമിഴ് ആചാരപ്രകാരം നടത്താൻ വീട്ടുകാർ തീരുമാനിച്ചത്.

GlennMaxwell marrying Vini Raman. Going by the cute traditional Tamil muhurta patrikai, we'd bet there may likely be a TamBram ceremony… Will there be a white gown wedding too?
Congratulations Glenn and Vini ! @Gmaxi_32 pic.twitter.com/uJeSjHM1we

— Kasthuri (@KasthuriShankar) February 12, 2022

വിനിയുടേയും മാക്‌സ്‌വെല്ലിന്റേയും വിവാഹക്കുറി കഴിഞ്ഞ ദിവസമാണ് പുറത്ത് വന്നത്. തമിഴ് ഭാഷയിൽ മഞ്ഞ നിറത്തിലാണ് കുറി തയ്യാറാക്കിയിരിക്കുന്നത്.