ഫുട്ബോളില് ഏറെ ആരാധകരുള്ള രണ്ട് താരങ്ങളാണ് ക്രിസ്റ്റ്യാനോ റൊണാള്ഡോയും ലയണല് മെസിയും. ഇവരില് ആരാണ് കൂടുതല് മികച്ച കളിക്കാരന് എന്നതിനെച്ചൊല്ലി ആരാധകര് തമ്മില് പലപ്പോഴും തര്ക്കങ്ങളും ഉണ്ടാകാറുണ്ട്. സെലിബ്രിറ്റികളും പലപ്പോഴും ഇത്തരം ചര്ച്ചകളിലേക്ക് വലിച്ചിഴക്കപ്പെടാറുണ്ട്. ക്രിക്കറ്റ് ഇതിഹാസം സച്ചിന് ടെന്ഡുല്ക്കറിനാണ് ഇത്തവണ അത്തരമൊരു ചോദ്യം നേരിടേണ്ടി വന്നത്. എന്നാല് എല്ലാവരേയും പോലെ ചോദ്യത്തെ ഒഴിവാക്കാന് ശ്രമിക്കാതെ കൃത്യമായ മറുപടി നല്കിയിരിക്കുകയാണ് സച്ചിന്.
ഗ്രഹാം ബെന്സിംഗറുമായുള്ള അഭിമുഖത്തിലാണ് ഫുട്ബോളില് തന്റെ പ്രിയതാരം ആരാണെന്ന് സച്ചിന് വെളിപ്പെടുത്തിയത്. മെസ്സി, ക്രിസ്റ്റ്യാനോ എന്നിവരില് നിന്ന് മെസ്സിയേയാണ് സച്ചിന് തിരഞ്ഞടുത്തത്. മെസ്സി എന്നെപ്പോലെയാണെന്നാണ് അതിന് കാരണമായി സച്ചിന് പറഞ്ഞത്. സമാനമായ ചോദ്യം മുന് ഇന്ത്യന് ക്രിക്കറ്റ് ടീം ക്യാപ്റ്റന് വിരാട് കോഹ്ലിയും നേരിട്ടിട്ടുണ്ട്. എന്നാല് ചോദ്യത്തിന് മറുപടിയായി രണ്ട് പേരെയും പുകഴ്ത്തി സംസാരിക്കുകയാണ് കോഹ്ലി ചെയ്തത്. എങ്കിലും എല്ലാവശങ്ങളും വച്ച് നോക്കുകയാണെങ്കില് തനിക്ക് ക്രിസ്റ്റ്യാനോ ആണ് പ്രിയപ്പെട്ടതെന്നും കോഹ്ലി പറഞ്ഞിരുന്നു.
