മോസ്കോ: റഷ്യന് പ്രസിഡന്റ് വ്ളാഡിമിര് പുട്ടിനും സഖ്യകക്ഷിയായ ബലാറസ് നേതാവ് അലക്സാണ്ടര് ലുക്കാഷെങ്കോയും സംയുക്ത സൈനിക പരിശീലനം നീട്ടി. ഞായറാഴ്ച അവസാനിക്കേണ്ടിയിരുന്ന പരിശീലനമാണ് നീട്ടിയത്. ഈസ്റ്റ് യുക്രെയ്ന്ല് സ്ഥിതി വഷളായതാണ് പരിശീലനം നീട്ടാനുള്ള പ്രധാനകാരണം. മുപ്പതിനായിരത്തോളം സൈനികരാണ് ബലാറസില് ഉള്ളത്.
യുക്രെയ്ന്നുമായി വിശാലമായ അതിര്ത്തി പങ്കിടുന്ന ബലാറസുമായി ചേര്ന്ന് യുക്രെയ്ന് അധിനിവേശത്തിന് റഷ്യ ആസൂത്രിതമായ നീക്കം നടക്കുന്നുണ്ടോയെന്നാണ് യൂറോപ്യന് യൂണിയന് ഭയക്കുന്നത്. സൈനികരെ അയക്കുകയും യുദ്ധമില്ലെന്ന് പുറമെ പറയുകയും ചെയ്യുന്ന റഷ്യന്നിലപാട് വ്യജമാണെന്നാണ് പാശ്ചാത്യനേതൃത്വത്തിന്റെ കണക്കുകൂട്ടല്.
സൈനിക പരിശീലനം നീട്ടിയതോടെ യൂറോപ്യന് യൂണിയന് യുദ്ധമുഖത്താണെന്ന് അമേരിക്കന് സ്റ്റേറ്റ് സെക്രട്ടറി ആന്റണി ബ്ലിങ്കന് പറഞ്ഞു. അതെ സമയം പാശ്ചാത്യരാജ്യങ്ങള് യുക്രെയ്ന്പ്പമാകുമ്പോഴും റഷ്യ സ്വന്തംനിലപാടില് നിന്ന് അല്പംപോലും പിന്നാക്കംപോകാന് ഇടയില്ലെന്ന സൂചനയാണ് ബിബിസി ലേഖകന് റിപ്പോര്ട്ട് ചെയ്യുന്നത്.
ഇക്കാര്യം സാധൂകരിക്കും വിധമാണ് കിഴക്കന് യുക്രെയ്ന്നില് തുടര്ച്ചയായി സ്ഫോടനം ഉണ്ടാകുന്നത്. രാത്രി മുതല് ഞായറാഴ്ച വരെ സ്ഫോടനം തുടര്ന്നു.
വിഘടനവാദികളുടെ ഷെല്ലാക്രമണവും സ്ഫോടനശബ്ദവും ഡോണസ്കില് നിന്നു കേള്ക്കാന് കഴിയുന്നുണ്ട്. യുക്രൈന് റഷ്യയ്ക്കെതിരെ തിരിച്ചടി നല്കുമെന്ന സൂചന നേരത്തെ യുക്രെയ്ന് നേതാവില് നിന്നും ഉണ്ടായിരുന്നു. ഇക്കാര്യം ശരിവയ്ക്കുന്നതായിരുന്ന തരത്തിലാണ് കിഴക്കന് യുക്രെയ്നില് നിന്നും കേള്ക്കുന്ന സ്ഫോടന ശബ്ദം. ഞാറാഴ്ച രാവിലെവരെ ഡൊനെസ്കില് നിന്നും സ്ഫോടനപരമ്പര കേള്ക്കാമായിരുന്നു. റഷ്യന് പിന്തുണയുള്ള വിമതരുടെ നീക്കത്തില് രണ്ട് സാധാരണ പൗരന്മാര് കൊലചെയ്യപ്പെട്ടതായി ആരോപണമുണ്ട്. എന്നാല് ഇക്കാര്യത്തിന് സ്ഥിരീകരണമില്ല.
എന്നാല് റഷ്യ ഇക്കാര്യം അന്വേഷിക്കുന്നുണ്ട്. ഒരു ഡസനിലേറെ തവണ സര്ക്കാരും വിമതരും വെടിനിര്ത്തല് ലംഘിച്ചു. ഈ ആഴ്ചമുതല് നാടകീയമായി വെടിനിര്ത്തല് കരാര് ലംഘനമുണ്ടായതായും രണ്ട് യുക്രെയ്ന് സൈനികര് കൊലചെയ്യപ്പെട്ടതായും രാജ്യാന്തര നിരീക്ഷകര് റിപ്പോര്ട്ടുചെയ്യുന്നു.
റഷ്യആയിരക്കണക്കിന് സാധാരണക്കാരെ വിഘടനവാദികളുടെ സ്വാധീനമേഖയില് നിന്നും ഒഴിപ്പിച്ചു. യുദ്ധപ്രായമെത്തിയവരെ വിഘടനവാദികള് റഷ്യയ്ക്കെതിരെ യുദ്ധത്തിന് ഒരുക്കുന്നതാണ് കാരണം. കാര്യങ്ങള് സംഭ്രമജനകമാണ്. കൈയ്യില് കിട്ടുന്നതെല്ലാം എടുത്ത് ഞങ്ങള് ഡൊണെസ്കില് നി്ന്ന് റഷ്യയിലേക്ക് വരാന് തയ്യാറെടുക്കുകയാണെന്ന് നാലുവയസ്സുകാരി മകളുമായി റഷ്യയിലേക്ക് ബസില് പുറപ്പെട്ട തത്യാന വ്യക്തമാക്കി.
