മോഹൻലാലിന്റെ അടുത്ത രണ്ട് സിനിമകൾ ടിനു പാപ്പച്ചനും ആഷിഖ് അബുവിനും ഒപ്പം. ഇരുവർക്കും മോഹൻലാൽ ഡേറ്റ് നൽകിയതായാണ് വിവരം. ആദ്യമായാണ് ഇരുവരുടേയും സിനിമയിൽ മോഹൻലാൽ അഭിനയിക്കുന്നത്. നിർമ്മാണം ആശിർവാദ് സിനിമാസ് ആയിരിക്കില്ലെന്നും റിപ്പോർട്ടുകളുണ്ട്.
ആന്റണി വർഗീസിനെ കേന്ദ്രകഥാപാത്രമാക്കിയ അജഗജാന്തരമാണ് ടിനു പാപ്പച്ചന്റേതായി അവസാനം പുറത്തിറങ്ങിയ ചിത്രം. ജയസൂര്യയെ നായകനാക്കിയ പുതിയ ചിത്രവും ടിനു പാപ്പച്ചൻ പ്രഖ്യാപിച്ചിട്ടുണ്ട്. നാരദനാണ് ആഷിഖ് അബുവിന്റേതായി റിലീസിന് ഒരുങ്ങുന്ന ചിത്രം.
മോഹൻലാൽ സംവിധാനം ചെയ്ത് അഭിനയിക്കുന്ന ബറോസാണ് താരത്തിന്റേതായി അണിയറയിൽ ഒരുങ്ങുന്ന ചിത്രം. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിക്കുന്നത്. വാസ്‌കോ ഡ ഗാമയുടെ രത്‌നങ്ങളുടെയും നിധികളുടെയും കാവൽക്കാരനായ ബറോസിന്റെ കഥയാണ് ചിത്രം പറയുന്നത്.
