കരുത്തിനും, ചുറുചറുക്കനും പേരുകേട്ട ഇന്ത്യയുടെ ഒറ്റക്കൊമ്പൻ കാണ്ടാമൃഗത്തിൽ നിന്ന് പ്രചോദനം ഉൾക്കൊണ്ട്, എസ് യുവികൾക്ക് കാസിരംഗ എഡിഷൻ പുറത്തിറക്കി ടാറ്റാ മോട്ടോഴ്സ്. ടാറ്റയുടെ പഞ്ച്, നെക്സോൺ, ഹാരിയർ, സഫാരി എന്നിവയ്ക്കാണ് പുതിയ എഡിഷൻ ലഭിക്കുന്നത്. കാസിരംഗ എഡിഷൻ വാഹനങ്ങളുടെ അകത്തും പുറത്തും മാറ്റങ്ങളും പുതിയ ഫീച്ചറുകളും ലഭിക്കുന്നു.
ടാറ്റ കാസിരംഗ പതിപ്പുകളുടെ വിശദമായ എക്സ് ഷോറൂം വില ചുവടെ….
1)ടാറ്റ പഞ്ച്
Creative: Rs 8.59 lakh
Creative iRA: Rs 8.89 lakh
Creative AT: Rs 9.19 lakh
Creative iRA AT: Rs 9.49 lakh
ഏകദേശം 20,000 രൂപയുടെ വർദ്ധനവാണ് സാധാരണ പഞ്ചിൽ നിന്നും കാസിരംഗ എഡിഷന് ഉണ്ടായിരിക്കുന്നത്.
2)ടാറ്റ നെക്സോൺ
XZ+ (P) Petrol: Rs 11.79 lakh
XZA+ (P) Petrol: Rs 12.44 lakh
XZ+ (P) Diesel: Rs 13.09 lakh
XZA+ (P) Diesel: Rs 13.74 lakh
ടാറ്റ നെക്സോൺ കാസിരംഗ എഡിഷന് 69,000 രൂപയുടെ വില വർദ്ധനവുണ്ടായിട്ടുണ്ട്.
3) ടാറ്റ ഹാരിയർ
XZ+ Rs 20.41 lakh
XZA+ Rs 21.71 lakh
സാധാരണ ഹാരിയറിൽ നിന്നും 67,000 രൂപയുടെ വില വർദ്ധനവ് പുതിയ എഡിഷനിലുണ്ടായിട്ടുണ്ട്.
4)ടാറ്റ സഫാരി
XZ+ 7 Seater Rs 21.00 lakh
XZ+ 6 Seater Rs 21.10 lakh
XZA+ 7 Seater Rs 22.30 lakh
XZA+ 6 Seater Rs 22.40 lakh
21,000 രൂപയുടെ വർദ്ധനവാണ് സഫാരി കാസിരംഗ എഡിഷനുണ്ടായത്.
ഐപിഎല്ലിനിടെ നടത്തിയ പരിപാടിയിലാണ് പുതിയ സ്പോൺസർമാർ കൂടിയായ ടാറ്റ മോട്ടോഴ്സ് പഞ്ച് കാസിരംഗ എഡിഷൻ പുറത്തിറക്കിയത്. ഈ വാഹനം ലേലത്തിൽ വെച്ച് ലഭിക്കുന്ന തുക അസമിലെ കാസിരംഗ ദേശീയ ഉദ്യാനത്തിലെ കാണ്ടാമൃഗ സംരക്ഷണ പദ്ധതിക്കായി നൽകുമെന്ന് ടാറ്റ അറിയിച്ചിരുന്നു. ആകർഷണീയമായ നിറത്തിലാണ് ഈ എഡിഷൻ എത്തുന്നത്.
പ്രത്യേക തരത്തിലുള്ള ഗ്രാസ് ലാന്റ് ബെയ്ഡ് പെയിന്റും, മുകളിൽ കറുപ്പ് നിറവുമാണ് ടാറ്റ കാസിരംഗ എഡിഷൻ എസ് യുവികളുടെ നിറം. വാഹനങ്ങളുടെ മുൻഭാഗത്ത് ഒറ്റക്കൊമ്പൻ കാണ്ടാമൃഗത്തിന്റെ ചെറിയ രൂപവും ഡോറുകളിലെ സ്കഫ് പ്ലേറ്റിൽ കാസിരംഗ എന്ന എഴുത്തും വാഹനത്തിലുണ്ട്. പിന്നിലെ വിൻഡ് സ്ക്രീനിലും കാണ്ടാമൃഗത്തിന്റെ ചെറിയ രൂപ ഉണ്ട്.
അകത്ത്, കാസിരംഗ എഡിഷൻ എസ് യുവികൾ എർത്തി ബീജ് ലെതറെറ്റ് അപ്ഹോൾസ്റ്ററിയും, ഓൾ-ബ്ലാക്ക് ഡാഷ്ബോർഡും ഉള്ള ഡ്യുവൽ-ടോൺ സ്കീമുകളുമായാണ് വരുന്നത്. നെക്സോൺ, ഹാരിയർ, സഫാരി എന്നിവയ്ക്ക് ഡാഷ്ബോർഡിന്റെ മധ്യഭാഗത്ത് വുഡ് ട്രിം ലഭിക്കുന്നു, അതേസമയം പഞ്ചിന് എർത്ത് ബീജ് ട്രൈ-ആരോ ഫിനിഷ് ലഭിക്കുന്നു. ഡോർ പാഡുകൾക്കും സീറ്റ് അപ്ഹോൾസ്റ്ററിക്കും ഡ്യുവൽ-ടോൺ കറുപ്പും വെങ്കലവും നൽകിയിട്ടുണ്ട്. ഈ നാല് മോഡലുകളുടെയും മുൻസീറ്റ് ഹെഡ്റെസ്റ്റുകളിൽ ഒറ്റക്കൊമ്പുള്ള കാണ്ടാമൃഗത്തിന്റെ സിൽഹൗറ്റും കാണാം.
പുതിയ എഡിഷനിൽ ടാറ്റ പഞ്ചിന് എയർ പ്യൂരിഫയർ സൗകര്യവും ടാറ്റയുടെ iRA കണക്ടർ കാർ ടെക്നോളജിയും ലഭിക്കും. അതേസമയം, നെക്സോണിന് മുൻ സീറ്റുകളിൽ അധികം വെന്റിലേഷനും എയർ പ്യൂരിഫയറും ഓട്ടോ ഡിമ്മിംങ് IRVMഉം ഉണ്ടാകും.ഏറ്റവും അധികം സൗകര്യങ്ങൾ സഫാരിയിലും, ഹാരിയറിലും ആണ് ലഭിക്കുന്നത്.
English summary: Tata Motors Adds Kaziranga Edition To Its SUV Range, Prices Begin At ₹ 8.58 Lakh
Comments