മുംബൈ: റഷ്യ-യുക്രെയ്ന് യുദ്ധം ഇന്ത്യന് വിപണിയെയും നിക്ഷേപകസാധ്യതകളെയും പിന്നാക്കം നയിക്കില്ലെന്ന് സാമ്പത്തിക വിദഗ്ധര്. യുദ്ധസാഹചര്യങ്ങള് ഉണ്ടാകുമ്പോഴെല്ലാം ഇന്ത്യന് വിപണിയെ പ്രതികൂലമായി ബാധിക്കുന്ന സാഹചര്യമാണ് മുന്കാലങ്ങളില് ഉണ്ടാവാറ്. ഗള്ഫ്, ഇറാഖ് യുദ്ധകാലങ്ങളില് വിപണിയെ പ്രതികൂലമായി ബാധിച്ചിരുന്നുവെങ്കിലും റഷ്യ-യുക്രെയ്ന് യുദ്ധം അത്തരത്തില് ആശങ്കയക്ക് വഴി വയ്ക്കുന്നില്ലെന്ന് വിദഗ്ധര് പറയുന്നു. യുദ്ധസാഹചര്യമുണ്ടായിരുന്ന കഴിഞ്ഞ ദിവസങ്ങളില് കഴിഞ്ഞ ദിവസങ്ങളില് പരിഭ്രാന്തി പരത്തിയിരുന്നെങ്കിലും അമിതമായ ആശങ്കവേണ്ടെന്നാണ് വിദഗ്ധരുടെ വിലയിരുത്തല്.
അതെ സമയം എണ്ണവിലയിലും പണപ്പെരുപ്പത്തിലുമുള്ള കുതിച്ചുചാട്ടം കാരണം അല്പം ആശങ്കയ്ക്ക് കാരണമാകുന്നുണ്ട്. എന്നാല് നിലവിലെ റഷ്യ-യുക്രെയ്ന് യുദ്ധസാഹചര്യവും രാഷ്ട്രീയകാലാവസ്ഥയും ദീര്ഘകാലാടിസ്ഥാനത്തില് ഇന്ത്യയുടെ നിക്ഷേപസാധ്യതകളെ മാറ്റില്ല. ഇന്ത്യ ഏതെങ്കിലും രാജ്യത്തിന്റെ പക്ഷം പിടിച്ചിട്ടില്ല എന്നതാണ് ഈ വിലയിരുത്തലിന് കാരണം.
കൂടാതെ കയറ്റുമതി ശക്തമായി തുടരുന്നുണ്ട്. ഐടി സേവനങ്ങളുടെ കയറ്റുമതി എണ്ണ ഇറക്കുമതിയേക്കാള് കൂടുതലാണ്. സര്ക്കാരിന്റെ ബാലന്ഷീറ്റ് നാലിരട്ടിയാണ്. ആര്ബിഐ, ബാങ്കുകള്, കോര്പ്പറേറ്റുകള് എന്നിവയും ശക്തമാണ്.
ജിയോപൊളിറ്റിക്കല് ആശങ്കകള് കാരണം വിപണികള് സമീപകാലത്ത് അസ്ഥിരമായി തുടരുന്നുണ്ടെങ്കിലും വരും ആഴ്ചകളില്, സ്മാര്ട്ട് നിക്ഷേപകര് വിപണിയിലെ പിന്നാക്കാവസ്ഥ നല്ല കമ്പനികളില് നിക്ഷേപിക്കാനുള്ള അവസരമായി ഉപയോഗിക്കുമെന്നും വിലയിരുത്തുന്നു.
