ഡൽഹി: മാതൃരാജ്യത്തെ സേവിക്കുന്നതിനായി തന്റെ ജീവിതം സമർപ്പിച്ച വീര സവർക്കറുടെ ജീവിതം ഭാരതീയർക്ക് എന്നും പ്രചോദനം ആണെന്ന് പ്രധാനമന്ത്രി നരേന്ദ്ര മോദി. വീര സവർക്കറുടെ സ്മൃതിദിനത്തോടനുബന്ധിച്ച് സവർക്കറുടെ ഛായാ ചിത്രത്തിൽ പ്രധാനമന്ത്രി പുഷ്പാർച്ചന നടത്തി.
त्याग और तप की प्रतिमूर्ति महान स्वतंत्रता सेनानी वीर सावरकर जी को उनकी पुण्यतिथि पर सादर नमन। मातृभूमि की सेवा में समर्पित उनका जीवन देशवासियों के लिए हमेशा प्रेरणास्रोत बना रहेगा।
Posted by Narendra Modi on Friday, February 25, 2022
1883 ൽ മഹാരാഷ്ട്ര യിലെ നാസിക് ജില്ലയിൽ ഭാഗൂരിലാണ് വീര സവർക്കർ ജനിച്ചത്. രാധാഭായിയുടെയും ദാമോദർ പാന്തിന്റെയും മകനായാണ് ജനനം. ഭാരതത്തിന്റെ സ്വാതന്ത്ര്യ സമര ചരിത്രത്തിൽ സുവർണ്ണ ലിപികളിൽ രേഖപ്പെടുത്തിയ, ഇതിഹാസ തുല്യമായ പോരാട്ടം നടത്തിയാണ് അദ്ദേഹം ഇഹലോകവാസം വെടിഞ്ഞത്.
1966 ൽ മരുന്നുകളും ഭക്ഷണവും ഉപേക്ഷിച്ച അദ്ദേഹം ‘ഇത് ആത്മഹത്യയല്ല, ആത്മാർപ്പണമാണ്’ എന്നായിരുന്നു അതിനെ കുറിച്ച് പറഞ്ഞത്. “ഒരുവന്റെ ജീവിത ദൗത്യം അവസാനിക്കുകയും സമൂഹത്തെ സേവിക്കാനുള്ള കഴിവ് ഇല്ലാതാവുകയും ചെയ്താൽ ജീവിതം അവസാനിപ്പിക്കുന്നതാണ് മരണത്തെ പ്രതീക്ഷിച്ചുകൊണ്ടിരിക്കുന്നതിലും നല്ലത്.”
1966 ഫെബ്രുവരി 26-ന് തന്റെ 83ആം വയസ്സിൽ അദ്ദേഹം ദേഹവിയോഗം ചെയ്തു.
അദ്ദേഹത്തിന്റെ ധീര സ്മൃതികളിൽ രാജ്യവ്യാപകമായി ശ്രദ്ധാഞ്ജലി ചടങ്ങുകൾ നടന്നു.
