യുഎഇയിൽ പൊതുസ്ഥലത്ത് സ്ത്രീകളെ അപമാനിച്ചാൽ രണ്ട് ലക്ഷം രൂപ പിഴ. കുറ്റവാളികൾ ഒരു വർഷം വരെ തടവും അനുഭവിക്കേണ്ടി വരും. യുഎഇ പബ്ലിക് പ്രോസിക്യൂഷനാണ് മുന്നറിയിപ്പ് നൽകിയത്.
സ്ത്രീ സുരക്ഷക്ക് വലിയ പ്രാധാന്യം നൽകുന്ന രാജ്യങ്ങളിലൊന്നാണ് യുഎഇ. പൊതു ഇടങ്ങളിൽ സ്ത്രീകളെ വാക്കുകൾ കൊണ്ടോ പ്രവൃത്തികൾ കൊണ്ടോ അപമാനിച്ചാൽ പതിനായിരം ദിർഹം വരെയാണ് ശിക്ഷ ലഭിക്കുക. രാജ്യത്തെ ജനങ്ങൾക്കിടയിൽ നിയമ സംസ്കാരം പ്രോത്സാഹിപ്പിക്കാനും പുതിയ നിയമങ്ങളെ കുറിച്ച് അവബോധം വർധിപ്പിക്കാനും നടത്തി വരുന്ന ശ്രമങ്ങളുടെ തുടർച്ചയായാണ് യുഎഇ പബ്ലിക് പ്രോസിക്യൂഷന്റെ മുന്നറിയിപ്പ്.
സ്ത്രീകൾക്കായി നിശ്ചയിച്ച സ്ഥലത്ത് വേഷം മാറിയും മറ്റും കടന്നു കയറുന്നതും കുറ്റകൃത്യമായി തന്നെ കണക്കാക്കും. നേരത്തേെ ജോർജ്ടൗൺ സര്വകലാശാല നടത്തിയ ദി വിമന് പീസ് ആന്റ് സെക്യൂരിറ്റി ഇന്ഡക്സിൽ സ്ത്രീകള്ക്ക് സുരക്ഷിത ബോധത്തോടെ ജീവിക്കാന് ഉതകുന്ന രാജ്യങ്ങളില് യുഎഇ ഒന്നാമതെത്തിയിരുന്നു.
Comments