വയനാട്: കൽപ്പറ്റയിൽ ടി. സിദ്ദിഖിന്റെ എംഎൽഎ ഓഫീസിൽ തന്റെ ധാരാളം ഫോട്ടോകൾ സ്ഥാപിച്ചതിലുള്ള അതൃപ്തി പരസ്യമാക്കി കോൺഗ്രസ് എംപി രാഹുൽ ഗാന്ധി. ഓഫീസ് ഉദ്ഘാടനം ചെയ്തത് രാഹുൽ ഗാന്ധി ആയിരുന്നു. താൻ പറയുന്ന കാര്യം സിദ്ദിഖിന് ഇഷ്ടമാകില്ലെന്ന് പറഞ്ഞാണ് രാഹുൽ ഇക്കാര്യം വ്യക്തമാക്കിയത്. പാണക്കാട് ഹൈദരലി തങ്ങളുടെ വിയോഗത്തെ തുടർന്ന് അനുശോചനം അറിയിക്കാൻ എത്തിയതായിരുന്നു അദ്ദേഹം.
രാഹുൽ ഗാന്ധിയുടെ വാക്കുകൾ ഇങ്ങനെ ‘എന്റെ ഫോട്ടോകൾ ഇങ്ങനെ കാണുന്നത് എനിക്ക് തന്നെ അലർജിയാണ്. വേണമെങ്കിൽ ഒരെണ്ണം ഒക്കെ വെയ്ക്കാം. ഞാൻ പറഞ്ഞത് എന്റെ വ്യക്തിപരമായ അഭിപ്രായമാണ്. നിങ്ങൾക്ക് നിങ്ങളുടെ ഇഷ്ടം പോലെ ചെയ്യാം. എങ്കിലും എന്റെ ഇഷ്ടമെന്താണെന്ന് എന്നെ ഇഷ്ടപ്പെടുന്നവരോട് തുറന്ന് പറയേണ്ടതുണ്ട്’ രാഹുൽ ഗാന്ധി പറഞ്ഞു.
