അമൃത്സർ: പഞ്ചാബ് മുഖ്യമന്ത്രി ചരൺജിത് സിംഗ് ഛന്നി ഉടൻ രാജി സമർപ്പിച്ചേക്കും. പഞ്ചാബ് ഗവർണർ ബൻവാരിലാൽ പുരോഹിതിനെ കാണാൻ രാജിക്കത്തുമായി അദ്ദേഹം ചണ്ഡിഗഡിലെത്തി. വ്യാഴാഴ്ച രാവിലെ ഗവർണറുടെ ഔദ്യോഗിക വസതിയിലെത്തിയ ഛന്നി രാജി സമർപ്പിക്കുമെന്നാണ് വിവരം.
പഞ്ചാബിൽ വോട്ടെണ്ണൽ പുരോഗമിക്കുന്നതിനിടെയാണ് ഛന്നിയുടെ നീക്കം. ചംകൗർ സാഹിബ്, ബദൗർ എന്നീ രണ്ട് മണ്ഡലങ്ങളിൽ നിന്നാണ് മുഖ്യമന്ത്രി ഛന്നി മത്സരിച്ചത്. രണ്ടിടത്തും അദ്ദേഹത്തിന്റെ ലീഡ് നില പിറകിലാണ്.
വോട്ടെണ്ണലിന്റെ ആദ്യഫലസൂചനകൾ പുറത്തുവരുമ്പോൾ പഞ്ചാബിൽ കോൺഗ്രസ് തകർന്നടിയുന്ന കാഴ്ചയാണ് പ്രതിഫലിക്കുന്നത്. ഭരണകക്ഷിയായ കോൺഗ്രസിനെ പിന്നിലാക്കി ആംആദ്മിയാണ് പഞ്ചാബിൽ മുന്നേറ്റം നടത്തുന്നത്. 89 സീറ്റുകളിൽ ആംആദ്മി ലീഡ് നില ഉയർത്തിയപ്പോൾ 14 ഇടത്ത് മാത്രമാണ് കോൺഗ്രസിന് ലീഡുള്ളത്. മുഖ്യമന്ത്രിയുൾപ്പെടെയുള്ള കോൺഗ്രസ് നേതാക്കൾ വോട്ടുനിലയിൽ പിന്നിലാണ്.
Comments