സാധാരണ ഒരു തക്കാളിച്ചെടിയിൽ നിന്ന് ലഭിക്കുന്നത് പത്തോ, മുപ്പതോ തക്കാളികളാകും . എന്നാൽ മണ്ണ് അറിഞ്ഞ് കൃഷി ചെയ്ത ഡഗ്ലസ് സ്മിത്തിന് തക്കാളിച്ചെടി നൽകിയത് കൈ നിറയെ ആണ് . ഒരു ചെടിയിൽ നിന്ന് 1200-ലധികം തക്കാളിയാണ് ഡഗ്ലസിന് ലഭിച്ചത് .
കൊറോണ മൂലം ലോകം ലോക്ഡൗണിൽ ആയപ്പോൾ പലരും പുതിയ ഹോബികൾ വളർത്തിയെടുക്കാൻ തുടങ്ങി. യുകെ നിവാസിയായ ഡഗ്ലസ് സ്മിത്തിനെ സംബന്ധിച്ചിടത്തോളം, നൂതനമായ തോട്ടം രീതികളിൽ ശ്രദ്ധ കേന്ദ്രീകരിക്കാനുള്ള അവസരമായിരുന്നു അത്. ലോക് ഡൗൺ സമയത്ത് സ്മിത്ത് ഒരു തക്കാളി ചെടി വളർത്തി, 2021 ൽ ഈ ചെടിയിൽ നിന്ന് മാത്രം 839 തക്കാളിയാണ് ലഭിച്ചത്. 2022 മാർച്ച് വരെ ലഭിച്ചത് 1200 ലേറെയും .
2022 മാർച്ച് 9-ന് ഡഗ്ലസിന്റെ തക്കാളിച്ചെടിയ്ക്ക് ഗിന്നസ് വേൾഡ് റെക്കോർഡും സ്വന്തമായി. ലോകമെമ്പാടുമുള്ള കൃഷി പ്രേമികളെ സന്തോഷിപ്പിച്ചുകൊണ്ട് സ്മിത്ത് ട്വിറ്ററിൽ ഈ നേട്ടം പ്രഖ്യാപിച്ചു. മുമ്പ്, തന്റെ വീട്ടുമുറ്റത്ത് 21 അടി ഭീമാകാരമായ സൂര്യകാന്തി വളർത്തി സ്മിത്ത് വാർത്തകളിൽ നിറഞ്ഞിരുന്നു. കൂറ്റൻ സൂര്യകാന്തി അദ്ദേഹത്തിന്റെ വീടോളം ഉയരമുള്ളതായിരുന്നു.
Comments