ദുബായ് : ഞക്കനാൾ സ്വദേശി ആയ പ്രവാസി സാഹിത്യകാരൻ അഭിലാഷ് ജി പിള്ള എഴുതിയ തെലിങ്കിപ്പൂക്കൾ എന്ന നോവൽ പ്രകാശനം ചെയ്തു. ഓണാട്ടുകരയുടെ ഭക്തകവിയും കുത്തിയോട്ട ആചാര്യനും ആയ വിജയരാഘവ കുറുപ്പ് പ്രകാശന കർമ്മം നിർവ്വഹിച്ചു. മാദ്ധ്യമ പ്രവർത്തകനും ബിജെപി നേതാവുമായ സന്ദീപ് വാചസ്പതി ആദ്യപ്രതി ഏറ്റുവാങ്ങി.
കൃഷ്ണപുരം പഞ്ചായത്ത് വാർഡ് മെമ്പർ രാധാമണി രാജൻ അദ്ധ്യക്ഷത വഹിച്ചു. വേദ ബുക്സ് ഡയറക്ടർ പുസ്തകം പരിചയപ്പെടുത്തി. എം എസ് എം കോളേജ് മുൻ അധ്യാപകനും ഭരണിക്കാവ് കേരള യൂണിവേഴ്സിറ്റി ഓഫ് ക്യാമ്പസ് പ്രിൻസിപ്പലും ആയ ഡോ. പദ്മകുമാർ ക്ലാപ്പന, വാർഡ് മെമ്പർ ശരത് പാട്ടത്തിൽ എന്നിവർ സംസാരിച്ചു. ഹിന്ദു ഐക്യ വേദി കാർത്തികപ്പള്ളി താലൂക്ക് ഉപാദ്ധ്യക്ഷൻ ഗോപിക്കുട്ടൻ പിള്ള സ്വാഗതവും ഗ്രന്ഥകർത്താവ് അഭിലാഷ് ജി പിള്ള കൃതജ്ഞതയും രേഖപ്പെടുത്തി. കുറക്കാവ് ദേവിക്ഷേത്രം മണ്ഡപത്തിൽ വെച്ചാണ് ചടങ്ങ് സംഘടിപ്പിച്ചത്.
