ന്യൂഡൽഹി: യുപിയിലെ ജനവിധിയോടെ അഖിലേഷ് യാദവ് ഉൾപ്പെടെയുള്ള പലരുടെയും അവകാശവാദങ്ങൾ പൊളിഞ്ഞെന്ന് സമാജ്വാദി പാർട്ടി നേതാവ് മുലായം സിംഗ് യാദവിന്റെ മരുമകൾ അപർണ യാദവ്. താൻ രാജ്യത്തെ സ്നേഹിക്കുന്നയാളായത് കാരണമാണ് സമാജ്വാദി പാർട്ടി വിട്ടത് എന്നും അപർണ യാദവ് വ്യക്തമാക്കി.
‘യുപിയിൽ ബിജെപി ജയിക്കില്ലെന്ന് പറഞ്ഞ അഖിലേഷ് യാദവ് ഉൾപ്പെടെ പലരുടേയും വാദങ്ങൾ പൊളിഞ്ഞു. ബിജെപിയ്ക്ക് വലിയ വിജയമാണ് ഉത്തർപ്രദേശിലെ ജനങ്ങൾ സമ്മാനിച്ചത്. സമാജ് വാദി പാർട്ടിക്ക് എവിടെയാണ് പിഴച്ചത് എന്നറിയില്ല. എന്നാൽ ബിജെപിക്ക് എല്ലാം നന്നായി നടന്നു.
എനിക്ക് എന്റെ രാജ്യമാണ് വലുത് എന്നാണ് അപർണ പറഞ്ഞത്. എല്ലാവരും രാജ്യസ്നേഹികളാണ്. ഞാനും എന്റെ രാജ്യത്തെ അതിയായി സ്നേഹിക്കുന്നു. അതുകൊണ്ട് തന്നെയാണ് ബിജെപിയിൽ ചേർന്ന് പ്രവർത്തിക്കുന്നത്’ എന്ന് അപർണ പറഞ്ഞു. രാജ്യത്തിന് വേണ്ടിയാണ് താൻ ബിജെപിയിൽ എത്തിയത് എന്നും നേതൃത്വം എന്ത് ഉത്തരവാദിത്വം തന്നാലും ഇത് നിറവേറ്റുമെന്നും അപർണ വ്യക്തമാക്കി.
Comments