ന്യൂഡൽഹി: പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. നിയമസഭാ തിരഞ്ഞെടുപ്പിൽ ഉത്തർപ്രദേശിൽ ബിജെപി മികച്ച വിജയം നേടിയതിന് പിന്നാലെയാണ് യോഗി പ്രധാനമന്ത്രിയുമായി കൂടിക്കാഴ്ച നടത്തിയത്.
आज @myogiadityanath जी से भेंट हुई। उन्हें उत्तर प्रदेश चुनाव में मिली ऐतिहासिक जीत की बधाई दी। बीते 5 वर्षों में उन्होंने जन-आकांक्षाओं को पूरा करने के लिए अथक परिश्रम किया है। मुझे पूर्ण विश्वास है कि आने वाले वर्षो में वे राज्य को विकास की और अधिक ऊंचाइयों पर ले जाएंगे। pic.twitter.com/TeRcIRFreA
— Narendra Modi (@narendramodi) March 13, 2022
യുപിയിലെ അവിസ്മരണീയ വിജയത്തിന് യോഗിയെ പ്രധാനമന്ത്രി അഭിനന്ദിച്ചു. ഇരുവരുടെയും കൂടിക്കാഴ്ച സംബന്ധിച്ച് പ്രധാനമന്ത്രി നരേന്ദ്രമോദി ട്വിറ്ററിൽ വിവരങ്ങൾ പങ്കുവെച്ചു. വരാനിരിക്കുന്ന സത്യപ്രതിജ്ഞാ ചടങ്ങിന് സാക്ഷ്യം വഹിക്കണമെന്ന് പ്രധാനമന്ത്രിയോട് യോഗി അഭ്യർത്ഥിച്ചതായാണ് വിവരം. തിരഞ്ഞെടുപ്പിന് ശേഷം യോഗി ആദിത്യനാഥ് നടത്തുന്ന ആദ്യ ഡൽഹി സന്ദർശനമായിരുന്നു ഇത്.
സത്യപ്രതിജ്ഞ തീയതിയും സംസ്ഥാനത്തെ സർക്കാർ രൂപീകരണവും കൂടിക്കാഴ്ചയിൽ ചർച്ചയായി. പുതിയ ഉപമുഖ്യമന്ത്രിയെയും നിരവധി പുതുമുഖങ്ങളെയും യുപി മന്ത്രിസഭയിൽ ബിജെപി പരിഗണിക്കുമെന്നാണ് റിപ്പോർട്ടുകൾ.
ഉപരാഷ്ട്രപതി എം വെങ്കയ്യ നായിഡു, ബിജെപി ജനറൽ സെക്രട്ടറി ബി.എൽ സന്തോഷ്, ബിജെപി ദേശീയ അദ്ധ്യക്ഷൻ ജെ.പി നദ്ദ, കേന്ദ്ര ആഭ്യന്തരമന്ത്രി അമിത് ഷാ, പ്രതിരോധ മന്ത്രി രാജ്നാഥ് സിംഗ് എന്നിവരുമായും രാജ്യതലസ്ഥാനത്തെത്തിയ യോഗി ആദിത്യനാഥ് കൂടിക്കാഴ്ച നടത്തി. രണ്ട് ദിവസത്തെ സന്ദർശനത്തിനായാണ് ആദിത്യനാഥ് രാജ്യതലസ്ഥാനത്ത് എത്തിയത്.
Comments