കോഴിക്കോട്: കൊച്ചിയിലും കോഴിക്കോടും വൻ ലഹരിവേട്ട. വിദേശത്ത് നിന്ന് പാഴ്സലിൽ എത്തിച്ച് എൽഎസ്ഡി കണ്ടെടുത്തു. ഒമാനിൽ നിന്നും നെതർലാന്റ്സിൽ നിന്നും എത്തിച്ച മയക്കുമരുന്നാണ് കണ്ടെടുത്തത്. കോഴിക്കോട് സ്വദേശിയുടെ പേരിലാണ് പാഴ്സൽ എത്തിയത്.
15 എൽഎസ്ഡി സ്റ്റാംപുകളാണ് പാഴ്സലിൽ ഉണ്ടായിരുന്നത്. മേൽവിലാസം കേന്ദ്രീകരിച്ച് കോഴിക്കോട് നടത്തിയ പരിശോധനയിലും മാരക ലഹരി വസ്തുക്കൾ കണ്ടെടുത്തു. 82 എൽ.എസ്.ഡി സ്റ്റാംപ്, എം.ഡി.എം.എ, കൊക്കെയ്ൻ, 1.25 കിലോ ഹാഷിഷ് ഓയിൽ എന്നിവയാണ് പിടിച്ചെടുത്തത്.
സംഭവത്തിൽ ഒരാളെ പോലീസ് കസ്റ്റഡിയിലെടുത്തിട്ടുണ്ട്. ഇയാളെ ചോദ്യം ചെയ്ത് വരികയാണ്.
