കൊച്ചി: മലയാളിക്കിന്ന് സുപരിചിതമായ മുഖമാണ് നടൻ സുദേവ് നായരുടേത്. മൈ ലെഫ് പാർട്ടണറിലൂടെ മികച്ച നടനുള്ള സംസ്ഥാന പുരസ്കാരം സ്വന്തമാക്കിയ സുദേവ് വ്യത്യസ്തങ്ങളായ കഥാപാത്രങ്ങളുമായാണ് ഓരോ തവണയും പ്രക്ഷകർക്ക് മുമ്പിലേക്കെത്തുന്നത്. അടുത്തിടെ ഇറങ്ങിയ മമ്മൂട്ടി ചിത്രം ഭീഷ്മ പർവ്വത്തിൽ മുംബൈ മലയാളിയുടെ കഥാപാത്രമായിരുന്നു സുദേവിന്.
ഒരുപിടി നല്ല സിനിമകളുമായി മുന്നോട്ട് പോകുമ്പോൾ താൻ വിമാനത്തിൽ കയറിയപ്പോൾ ഉണ്ടായ ഒരു അനുഭവമാണ് അദ്ദേഹമിപ്പോൾ പങ്കുവെച്ചിരിക്കുന്നുത്. കൈകളിൽ തൊലി അടർന്നതിനാൽ വിമാനത്തിൽ കയറിയപ്പോൾ താൻ പുതിയ വൈറസ് വകഭേദമൊന്നും പേറുന്നില്ല എന്ന് ഉറപ്പ് വരുത്തുന്നില്ല എന്നതിന് ഒരു വീഡിയോ വരെ കാണിക്കേണ്ടി വന്നു എന്നാണ് സുദേവ് പറയുന്നത്.
ജിമ്മിൽ ഡെഡ് ഹാങ്ങ് പുൾ അപ്പ് വർക്ക്ഔട്ട് ചെയ്ത് കൈയ്യിന്റെ തൊലി അടർന്നിരിക്കുകയായിരുന്നു സുദേവിന്റെ. ഇത് കണ്ട് തെറ്റിദ്ധരിച്ച വിമാനത്തിലെ ജീവനക്കാർക്ക് താൻ ഒരു പകർച്ചവ്യാധിയും പേറുന്നില്ല എന്ന് തെളിയിക്കുന്തിനായി വർക്ക്ഔട്ട് വീഡിയോ കാണിച്ചു എന്നാണ് നടൻ പറയുന്നത്. എന്തായാലും നടന്റെ രസകരമായ വെളിപ്പെടുത്തലിന് പിന്നാലെ നിരവധി പേർ താരത്തിന്റെ സിനിമയോടുള്ള അർപ്പണ ബോധത്തെ പ്രശംസിച്ച് രംഗത്തെത്തിയിട്ടുണ്ട്.
Comments