ആലുവ : ദേശീയ പണിമുടക്കിനെ തുടർന്ന് കേരളത്തിൽ കടകൾ അടച്ചതോടെ പൊതുജനങ്ങൾ പൊറുതി മുട്ടുകയാണ്. ദൂര യാത്രൾക്കും മറ്റുമായി വീട്ടിൽ നിന്നും പുറപ്പെട്ടവർ വഴിയിൽ വെച്ച് ഭക്ഷണം കിട്ടാതെ അലയുന്ന കാഴ്ചകളാണ് സമൂഹമാദ്ധ്യമങ്ങളിൽ ഉൾപ്പെടെ കാണുന്നത്. ഹോട്ടലുകൾ ഉൾപ്പെടെ കൂട്ടമായി അടച്ചിട്ട സാഹചര്യത്തിലാണ് ജനങ്ങൾ പൊരിവെയിലത്ത് പെരുവഴിയിലായത്. ഇവർക്ക് സഹായവുമായി എത്തിയിരിക്കുകയാണ് സേവാഭാരതി.
ബൈക്കിലും ലോറിയിലും മറ്റ് സ്വകാര്യ വാഹനങ്ങളിലും യാത്ര ചെയ്യുന്നവർക്ക് സേവാഭാരതി പ്രവർത്തകർ ഭക്ഷണം എത്തിച്ചു നൽകി. റോഡിന് സമീപത്ത് നിന്നാണ് പ്രവർത്തകർ ഭക്ഷണ പൊതികൾ വിതരണം ചെയ്തത്. ആലുവ കടുങ്ങല്ലൂരിലുള്ള സേവാഭാരതിയുടെ യൂണിറ്റാണ് പ്രവർത്തനങ്ങൾക്ക് നേതൃത്വം നൽകിയത്.
മറ്റ് രാഷ്‌ട്രീയ പാർട്ടികളും സംഘടനകളും കൊടി പിടിച്ച് ജനജീവിതം മുട്ടിക്കുമ്പോൾ സേവാഭാരതി എപ്പോഴത്തെയും പോലെ ജനസേവനത്തിന് ഇറങ്ങി പുറപ്പെട്ടു. ഇതിന്റെ വീഡിയോ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്. വീഡിയോയ്‌ക്ക് പ്രതികരണവുമായി നിരവധി പേരാണ് രംഗത്തെത്തിയിരിക്കുന്നത്.
https://www.facebook.com/gijesh.cg/posts/10227428783520818
