മുംബൈ: സമൂഹമാദ്ധ്യമങ്ങളിൽ വളരെ സജീവമാണ് മഹീന്ദ്ര ഗ്രൂപ്പ് ചെയർമാനായ ആനന്ദ് മഹീന്ദ്ര.വിവിധ തരത്തിലുള്ള പോസ്റ്റുകളും വീഡിയോകളും അദ്ദേഹം പങ്കുവെക്കാറുണ്ട്. ആളുകളെ ചിരിപ്പിക്കുന്നതും ചിന്തിപ്പിക്കുന്നതുമായ പോസ്റ്റുകൾ വളരെ വേഗത്തിലാണ് വൈറലാവാറ്.
അത്തരമൊരു വീഡിയോ ആണ് ഇപ്പോൾ സമൂഹമാദ്ധ്യമങ്ങൾ ഏറ്റെടുത്തിരിക്കുന്നത്. തലയിൽ വലിയ ചുമടുമായി സൈക്കിളിൽ ഇരുകൈകളും വിട്ട് സൈക്കിളിൽ അനായാസം സഞ്ചരിക്കുന്ന യുവാവിന്റെ ദൃശ്യങ്ങളാണ് അദ്ദേഹം പങ്കുവെച്ചിരിക്കുന്നത്. ഒരു ഉൾഗ്രാമത്തിൽ നിന്നുള്ള ദൃശ്യങ്ങളാണ് അദ്ദേഹം ട്വിറ്ററിൽ പങ്കുവച്ചത്.
വിജനമായ ഗ്രാമീണ റോഡിലൂടെ സൈക്കിളിൽ സഞ്ചരിക്കുകയാണ് യുവാവ്. എന്നാൽ ഇയാൾ രണ്ട് കൈകളുമായി തലയിലെ ചുമട് താങ്ങുകയും ചെയ്യുന്നു. യാത്രയിൽ ഒരിടത്തും ഇയാൾ സൈക്കിൾ ഹാൻഡിലിൽ പിടിക്കുന്നില്ലെന്നതാണ് വീഡിയോയെ ശ്രദ്ധേയമാക്കുന്നത്.
This man is a human Segway, with a built in gyroscope in his body! Incredible sense of balance. What pains me, however, is that there are so many like him in our country who could be talented gymnasts/sportspersons but simply don’t get spotted or trained… pic.twitter.com/8p1mrQ6ubG
— anand mahindra (@anandmahindra) March 29, 2022
‘ശരീരത്തിൽ സ്വാഭാവികമായി തുലനം നിലനിർത്താൻ കഴിയുന്ന ഒരു ഉപകരണമുള്ള മനുഷ്യനാണ് ആ യുവാവ്. തീർത്തും അതിശയകരമാണ്. പക്ഷേ എന്നെ വേദനിപ്പിക്കുന്ന ഒരു കാര്യമുണ്ട്, അദ്ദേഹത്തെപ്പോലെ കഴിവുള്ള ജിംനാസ്റ്റുകൾ/കായിക താരങ്ങൾ എന്നിവരൊക്കെ നമ്മുടെ നാട്ടിൽ ഉണ്ട്, എന്നാൽ അവർ ശ്രദ്ധിക്കപ്പെടുകയോ പരിശീലനം നേടുകയോ ചെയ്യുന്നില്ലെന്ന് വീഡിയോ പങ്കുവെച്ച് കൊണ്ട് ആനന്ദ് മഹീന്ദ്ര ട്വിറ്ററിൽ കുറിച്ചു.
