കണ്ണൂർ : കണ്ണൂർ എക്‌സൈസ് ഡിവിഷൻ ഓഫീസിൽ വിജിലൻസിന്റെ മിന്നൽ റെയ്ഡ്. കള്ള് ഷാപ്പ് ലൈസൻസ് പുതുക്കുന്നതിന് ഉദ്യോഗസ്ഥർ കൈക്കൂലി വാങ്ങിയെന്ന രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിലാണ് വിജിലൻസ് ഉദ്യോഗസ്ഥർ റെയ്ഡ് നടത്തിയത്.
റെയ്ഡ് നാലര മണിക്കൂർ നീണ്ടു നിന്നു. പരിശോധനയിൽ റെക്കോർഡ് റൂമിൽ നിന്നും പഴയ ഫയലുകൾക്കിടയിൽ തിരുകി വെച്ചിരുന്ന 15,500 രൂപ പിടിച്ചെടുത്തു. നിരവധി നിയമലംഘനങ്ങളും കണ്ടെത്തി. ഓഫീസിലെ ജീവനക്കാർ കൃത്യസമയത്തെത്തി രജിസ്റ്ററിൽ ഒപ്പ് വെക്കുന്നില്ല എന്നും ഉദ്യോഗസ്ഥർ കണ്ടെത്തി. ഡിവൈഎസ്പി ബാബു പെരിങ്ങേത്തിന്റെ നേതൃത്വത്തിലാണ് റെയ്ഡ് നടന്നത്.
