ആലുവ: ദുരന്തനിവാരണത്തിന്റെ പേരിൽ പോപ്പുലർ ഫ്രണ്ട് ആലുവയിൽ നടത്തിയ പരിപാടിയിൽ പോപ്പുലർഫ്രണ്ടിന് പരിശീലനം സംഭവത്തിൽ കുറ്റക്കാർക്കെതിരെ നടപടി ആവശ്യപ്പെട്ട് ബിജെപി ആലുവ മണ്ഡലം കമ്മിറ്റിയുടെ നേതൃത്വത്തിൽ ഫയർ ഫോഴ്സ് ഓഫീസിലേക്ക് പ്രതിഷേധ മാർച്ച് നടത്തി.
സംസ്ഥാനമൊട്ടാക്കെ നിരവധി കൊലപാതകങ്ങൾക്ക് നേതൃത്വം നൽകിയ പോപ്പുലർ ഫ്രണ്ട് പോലെയുള്ള സംഘടനയ്ക്ക് ഗവൺമെന്റ് സംവിധാനത്തിൽ ഫയർഫോഴ്സ് പരിശീലനം നൽകിയത് ഞെട്ടിപ്പിക്കുന്നതാണെന്നും മുഖ്യമന്ത്രി അടക്കമുള്ളവരുടെ അറിവോടെയും ഒത്താശയോടെയും നടന്ന സംഭവമാണെന്നും പ്രതിഷേധ മാർച്ച് ഉദ്ഘാടനം ചെയ്തു കൊണ്ട് ബിജെപി സംസ്ഥാന സെക്രട്ടറി അഡ്വ.എസ് സുരേഷ് പറഞ്ഞു.
മാർച്ചിനോടനുബന്ധിച്ച് ആലുവ ഫയർഫോഴ്സ് ഓഫീന് മുന്നിൽ നടന്ന പ്രതിഷേധ യോഗത്തിന് ബിജെപി ആലുവ മണ്ഡലം പ്രസിഡന്റ് എ.സെന്തിൽകുമാർ അദ്ധ്യക്ഷത വഹിച്ചു.
ബിജെപി ജില്ല പ്രസിഡന്റ് എസ്.ജയകൃഷ്ണൻ, യുവമോർച്ച സംസ്ഥാന ജനറൽ സെക്രട്ടറി ദിനിൽ ദിനേശ്, ബിജെപി നെടുമ്പാശ്ശേരി മണ്ഡലം പ്രസിഡൻറ് രൂപേഷ് പൊയ്യാട്ട്, ജനറൽ സെക്രട്ടറിമാരായ പ്രദീപ് പെരുമ്പടന്ന,സി.സുമേഷ്, വൈസ് പ്രസിഡന്റ് രമണൻ ചേലാക്കുന്ന്, സെക്രട്ടറിമാരായ എം.യു.ഗോപുകൃഷ്ണൻ, ബേബി നമ്പേലി, ഐ.ടി സോഷ്യൽമീഡിയ ജില്ല കൺവീനർ സേതുരാജ് ദേശം,മോർച്ച പ്രസിഡന്റുമാരായ വൈശാഖ് രവീന്ദ്രൻ, ശ്രീവിദ്യ ബൈജു, ബിനു ഡേവിഡ്, മുനിസിപ്പൽ കൗൺസിലർമാരായ എൻ.ശ്രീകാന്ത്, ശ്രീലത രാധാകൃഷ്ണൻ തുടങ്ങിയവർ പ്രസംഗിച്ചു.
Comments