ചെവിക്കുള്ളിൽ പ്രാണികൾ പോകുന്നത് പതിവാണ്. അവയെ പലവിധത്തിൽ പുറത്തെടുക്കാറുമുണ്ട്. ഉറുമ്പ്, പഴുതാര, വണ്ട്, ചെവിപാമ്പ്, പല്ലി അങ്ങനെ പലതും ചെവിയിൽ പോകുന്ന സംഭവങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. ചില ഘട്ടങ്ങളിൽ ഇവയെ പുറത്തെടുക്കാൻ വൈദ്യസഹായം അനിവാര്യമായും വരാറുണ്ട്. സ്വയം ചികിത്സ നടത്തി സമയം കളഞ്ഞ് രോഗിയുടെ ജീവൻ അപകടത്തിലാക്കാതെ ചികിത്സ തേടുക തന്നെയാണ് ഉചിതമായ മാർഗവും.
കടലിൽ നീന്തുന്നതിനിടെ ഒരു സ്ത്രീയുടെ ചെവിക്കുള്ളിൽ പോയ ഞണ്ടിനെ പുറത്തെടുത്ത വാർത്തയാണ് ഇപ്പോൾ സോഷ്യൽ മീഡിയയിൽ നിറയുന്നത്. രണ്ട് കാലുകളുള്ള കൊച്ചുകമ്പിയുപയോഗിച്ചായിരുന്നു ശ്രമം. നിരവധി തവണ പരാജയപ്പെട്ടെങ്കിൽ ഒടുവിൽ കക്ഷിയെ പിടികൂടി പുറത്തിട്ടു.
ടിക്ക്ടോക്കിലൂടെയാണ് ഈ ദൃശ്യങ്ങൾ പുറത്തുവന്നത്. 1.3 ദശലക്ഷം കാഴ്ചക്കാരാണ് വീഡിയോ നേിയതെന്ന് മാത്രമല്ല യൂട്യൂബിലുൾപ്പെടെ വൈറലാകുകയും ചെയ്തു. കടലിൽ ഇറങ്ങുമ്പോൾ ഇയർപ്ലഗുകൾ ധരിക്കണമെന്ന ഓർമ്മപ്പെടുത്തൽ കൂടിയാണ് ഈ ദൃശ്യങ്ങളെന്ന് പലരും പ്രതികരിച്ചു.
