കോഴിക്കോട്: അന്തരിച്ച പ്രമുഖ നാടക-സീരിയൽ രചയിതാവും സംവിധായകനുമായിരുന്ന പി.ടി റഫീഖിന്റെ ഓർമ്മയിൽ രൂപീകൃതമായ ‘നിലാവ്’ ട്രസ്റ്റ്ന്റെ ഈ വർഷത്തെ പുരസ്കാരത്തിന് നടൻ മാമുക്കോയ അർഹനായി. കഴിഞ്ഞ 50 വർഷമായി സിനിമ-നാടക രംഗത്ത് നൽകിയ സംഭാവനകളെ മാനിച്ചാണ് മാമുക്കോയക്ക് പുരസ്കാരം.
പോൾ കല്ലാനോട് ജൂറി ചെയർമാനായ അവാർഡ് സമിതിയാണ് മാമൂക്കോയയെ പുരസ്കാരത്തിന് തിരഞ്ഞെടുത്തത്. ഏപ്രിൽ 17ന് കോഴിക്കോട് ടൗൺ ഹാളിൽ നടക്കുന്ന ‘ഓർമയിൽ റഫീഖ്’ എന്ന പരിപാടിയിൽ 10,001 രൂപ അവാർഡ് തുകയും ഫലകവും പ്രശസ്തിപത്രവും മാമുക്കോയക്ക് നൽകും.
സംവിധായകനും കേരള ചലച്ചിത്ര അക്കാദമി ചെയർമാനുമായ രഞ്ജിത്ത് പുരസ്കാരം സമ്മനിക്കുമെന്ന് നിലാവ് ട്രസ്റ്റ് സെക്രട്ടറി അൻവർ കുനിമൽ വ്യക്തമാക്കി.
Comments