ഇസ്ലാമാബാദ് : പാകിസ്താൻ പ്രധാനമന്ത്രി ഇമ്രാൻ ഖാൻ കസേരയിൽ തുടരണോ വേണ്ടയോ എന്ന് ഇന്നറിയാം. പ്രതിപക്ഷ പാർട്ടികൾ അവതരിപ്പിച്ച അവിശ്വാസപ്രമേയത്തിൽ ഇന്ന് വോട്ടെടുപ്പ് നടക്കും. പല തവണ വിവിധ കാരണങ്ങൾ പറഞ്ഞ് മാറ്റിവെക്കപ്പെട്ട വോട്ടെടുപ്പാണ് ഇന്ന് നടക്കുന്നത്.
അവസാന പന്ത് വരെ നിന്ന് പോരാടാനാണ് താൽപ്പര്യമെന്നും ഒരിക്കലും രാജിവെക്കില്ലെന്നും ഇമ്രാൻ രാജ്യത്തെ അഭിസംബോധന ചെയ്തപ്പോൾ അറിയിച്ചിരുന്നു. തുടർന്ന് മുഖം രക്ഷിക്കാൻ അമേരിക്ക ഉൾപ്പെടെയുള്ള രാജ്യങ്ങളെ പഴിചാരി. എന്നാൽ ഇതിലൊന്നും വീഴാത്ത പ്രതിപക്ഷം ഇമ്രാൻ രാജി ആവശ്യപ്പെട്ട് നിലയുറപ്പിച്ചിരിക്കുകാണ്. പാകിസ്താന്റെ ഇന്നത്തെ അവസ്ഥയ്ക്ക് കാരണം ഇമ്രാൻ ഖാനാണെന്നാണ് പ്രതിപക്ഷം പറയുന്നത്.
തന്റെ രാജ്യത്തെ എല്ലാ പൗരന്മാരും ഇന്ന് തെരുവുകളിൽ വന്ന് നിൽക്കണമെന്ന് ഇമ്രാൻ ആവശ്യപ്പെട്ടിട്ടുണ്ട്. തന്നെ പ്രധാനമന്ത്രി കസേരയിൽ നിന്നും ഓഫീസിൽ നിന്നും അടിച്ചിറക്കുന്നത് എല്ലാവർക്കും കാണാൻ സാധിക്കുമെന്നാണ് പാക് പ്രധാനമന്ത്രി പറഞ്ഞത്. ഇതിനെയെല്ലാം താൻ നേരിടുമെന്നും ഇമ്രാൻ ഖാൻ പറഞ്ഞു.
Comments