അവര്‍ സംശയം ചോദിച്ചതാണ്; ലോക്‌സഭയില്‍ സുപ്രിയക്കൊപ്പമുള്ള വീഡിയോ ട്രോളുകളില്‍ മറുപടിയുമായി ശശി തരൂര്‍

ന്യൂഡല്‍ഹി: ലോക്‌സഭയില്‍ ശശി തരൂര്‍ എംപിയും എന്‍സിപി നേതാവ് സുപ്രിയ സുലെയും നടത്തിയ സംഭാഷണത്തിന്റെ വീഡിയോ സമൂഹമാദ്ധ്യമങ്ങളില്‍ വൈറലായിരുന്നു. സഭയില്‍ റഷ്യ-യുക്രെയ്ന്‍ യുദ്ധത്തെ കുറിച്ച് ചര്‍ച്ച നടക്കുന്നതിനിടെ ജമ്മു കശ്മീര്‍ മുഖ്യമന്ത്രി ഫാറൂഖ് അബ്ദുള്ള പ്രസംഗിച്ചിരുന്നു. ഇതിനിടെയാണ് പിന്‍സീറ്റിലിരുന്ന ശശി തരൂര്‍ മുന്‍ സീറ്റിലുള്ള സുപ്രിയ സുലേയുമായി സംസാരിക്കുന്നത്. വീഡിയോ വൈറലായതോടെ ഇതുമായി ബന്ധപ്പെട്ടുള്ള ധാരാളം ട്രോളുകളും പുറത്തിറങ്ങിയിരുന്നു.

ഇതിന് പിന്നാലെ സംഭവത്തില്‍ വിശദീകരണവുമായി തരൂരും രംഗത്തെത്തി. ഇത്തരം വീഡിയോകള്‍ ആസ്വദിക്കുന്നവര്‍ ആസ്വദിച്ചോളു, പക്ഷേ അത് തങ്ങളുടെ ചെലവില്‍ വേണ്ട എന്ന് പറഞ്ഞു കൊണ്ടാണ് തരൂര്‍ വിശദീകരണം നല്‍കുന്നത്. നയപരമായ കാര്യത്തെ കുറിച്ചാണ് സുപ്രിയ തന്നോട് ചോദിച്ചത്. അവരായിരുന്നു അടുത്തതായി സംസാരിക്കേണ്ടിയിരുന്നത്. ഫാറൂഖ് സാഹിബിന്റെ പ്രസംഗത്തെ തടസ്സപ്പെടുത്താതിരിക്കാന്‍ വേണ്ടിയാണ് ബെഞ്ചില്‍ താടിവച്ച് സുപ്രിയ പറഞ്ഞത് കേട്ടതെന്നും ശശി തരൂര്‍ ട്വിറ്ററില്‍ കുറിച്ചു.

For all those who've been enjoying themselves at @supriyaSule's &my expense over our brief exchange in the Lok Sabha, she was asking me a policy question because she was about to speak next. She was speaking softly so as not to disturb FarooqSahib, so i leaned over to hear her.🙏

— Shashi Tharoor (@ShashiTharoor) April 7, 2022

It was a great speech by Farooq Abdullah. Must listen for everyone. @ShashiTharoor pic.twitter.com/STQe0yulxG

— Farrago Abdullah Parody (@abdullah_0mar) April 6, 2022