ന്യൂഡൽഹി: ദേശീയ പൊതു ഭരണ സേവന ദിനം ആചരിച്ച് രാജ്യം. എല്ലാ സർക്കാർ ഉദ്യോഗസ്ഥർക്കും രാഷ്ട്രപതി രാംനാഥ് കോവിന്ദ് ആശംസ നേർന്നു. രാജ്യത്തെ എല്ലാ ഭരണസംവിധാനവും എണ്ണയിട്ടയന്ത്രം പോലെ ചലിപ്പിക്കാൻ അക്ഷീണം പ്രവർത്തിക്കു ന്നവരെ ഓർക്കാനും അവർക്ക് ഊർജ്ജം പകരാനുമാണ് ഈ ദിനമെന്ന് രാഷ്ട്രപതി രാംനാഥ് കോവിന്ദ് അറിയിച്ചു.
നിലവിൽ പ്രവർത്തിക്കുന്നവരും മുമ്പ് സേവനം അനുഷ്ഠിച്ചവരുമായ എല്ലാ സർക്കാർ ഉദ്യോഗസ്ഥന്മാർക്കും എന്റെ ആശംസകൾ. ലോകത്തിലെ ഏറ്റവും മികച്ച രാജ്യമാക്കി ഇന്ത്യയെ മാറ്റുന്നതിൽ എല്ലാവരും വലിയ പങ്കാണ് വഹിക്കുന്നത്. പൊതു ഭരണത്തിന്റെ എല്ലാ കരുത്തും വർദ്ധിപ്പിച്ച് സമ്പൂർണ്ണ സമർപ്പണത്തോടെ നമുക്കേവർക്കും രാജ്യത്തിനായി സേവനം അനുഷ്ഠിക്കാനാകട്ടെയെന്നും സർദാർ പട്ടേലിന്റെ സ്വപ്‌നം സാക്ഷാത്കരിക്കാ നാകട്ടെയെന്നും രാഷ്ട്രപതി രാംനാഥ് കോവിന്ദ് പറഞ്ഞു.
എല്ലാവർഷവും ഏപ്രിൽ 21നാണ് പൊതു ഭരണ ദിനം ആചരിക്കുന്നത്. 2006ലാണ് ആദ്യമായി ദിനാചരണം ആരംഭിച്ചത്. സ്വതന്ത്രഭാരതം നിലവിൽ വരുന്നതിന് മൂന്ന് മാസം മുന്നേ 1947 ഏപ്രിൽ 21നാണ് ആദ്യ ആഭ്യന്തര വകുപ്പ് മന്ത്രി സർദാർ വല്ലഭ് ഭായി പട്ടേൽ സർക്കാർ ഉദ്യോഗസ്ഥന്മാരുടെ ആദ്യ സംഘത്തെ അഭിസംബോധന ചെയ്തത്.
സർക്കാർ ഉദ്യോഗസ്ഥന്മാരുടെ സംഘത്തെ രാജ്യത്തിന്റെ ഇരുമ്പ് ചട്ടക്കൂടുകളെന്നാണ് സർദാർ പട്ടേൽ വിശേഷിപ്പിച്ചത്. 2006 മുതൽ വിവിധ വകുപ്പുകളിലായി മികച്ച സേവനം അനുഷ്ഠിക്കുന്ന ഉദ്യോഗസ്ഥനെ ആദരിക്കുവാനും കേന്ദ്ര പൊതുഭരണവിഭാഗം സെക്രട്ടറിയേറ്റ് ആരംഭിച്ചതായി അറിയിച്ചു. നിലവിൽ ഇന്ത്യൻ അഡ്മിനിസ്‌ട്രേറ്റീവ് സർവ്വീസ്, ഇന്ത്യൻ പോലീസ് സർവ്വീസ്, ഇന്ത്യൻ ഫോറിൻ സർവ്വീസ് ഇവയ്‌ക്കൊപ്പം എല്ലാ കേന്ദ്രസർവ്വീസ് വിഭാഗത്തിലെ ഗ്രൂപ്പ് എയും ബിയും ഇതിൽ പെടുന്നവയാണ്.
