തിരുവനന്തപുരം : പാർട്ടി കോൺഗ്രസ് കാരണം നിർത്തിവെച്ച കെ റെയിൽ സർവ്വേ പുനരാരംഭിച്ചതോടെ വീണ്ടും പ്രതിഷേധവുമായി നാട്ടുകാർ. തിരുവനന്തപുരം കഴക്കൂട്ടം കരിച്ചാറയിലാണ് ഉദ്യോഗസ്ഥർ സിൽവർ ലൈൻ സർവേ നടത്താൻ എത്തിയത്. എന്നാൽ ഇതിനെതിരെ നാട്ടുകാർ പ്രതിഷേധവുമായെത്തുകയായിരുന്നു. പ്രതിഷേധക്കാരും പോലീസും തമ്മിൽ വാക്ക് തർക്കമുണ്ടായി. ഇത് സംഘർഷത്തിലാണ് കലാശിച്ചത്.
കരിയാച്ചിറയിലെ പ്രതിഷേധക്കാരെ പോലീസ് ബൂട്ടിട്ട് ചവിട്ടുന്ന ദൃശ്യങ്ങളാണ് പുറത്ത് വന്നിരിക്കുന്നത്. സമരക്കാരെ കൂട്ടത്തോടെ തല്ലുന്നതിനിടെയാണ് ഉദ്യോഗസ്ഥർ ഇവരെ ചവിട്ടിയത്. സംഘർഷത്തിൽ നിരവധി പേർക്ക് പരിക്കേൽക്കുകയും ഒരാൾ ബോധരഹിതനായി വീഴുകയും ചെയ്തു.
എന്നാൽ പോലീസിനെ കണ്ട് ഭയന്ന് പിന്മാറാൻ സമരക്കാർ തയ്യാറായില്ല. പ്രതിഷേധം കനത്തതോടെ സർവ്വേക്ക് വന്ന ഉദ്യോഗസ്ഥർ സ്ഥലത്ത് നിന്ന് മടങ്ങി. നോട്ടീസ് നൽകാതെയാണ് ഉദ്യോഗസ്ഥരും പോലീസും എത്തിയത്. അപ്രതീക്ഷിതമായി എത്തിയതോടെയാണ് സ്ഥലത്ത് സംഘർഷാവസ്ഥ ഉണ്ടായതെന്ന് നാട്ടുകാരും പറയുന്നു. എന്നാൽ തങ്ങൾ ആരെയും മനപ്പൂർവ്വം ആക്രമിച്ചിട്ടില്ലെന്നാണ് പോലീസിന്റെ വാദം.
കെ റെയിലിനെതിരെ പ്രതിഷേധിച്ചവർക്ക് പോലീസിന്റെ തൊഴി
കെ റെയിലിനെതിരെ പ്രതിഷേധിച്ചവർക്ക് പോലീസിന്റെ തൊഴി
Posted by Janam TV on Thursday, April 21, 2022
Comments