ചെന്നൈ: ക്ഷേത്രത്തിലെ രഥഘോഷയാത്രയ്ക്കിടെ വൈദ്യുതാഘാതമേറ്റ് പത്തോളം പേർ മരിച്ചു. തഞ്ചാവൂരിലാണ് അപകടം. വാർത്താ ഏജൻസിയായ പിടിഐ ആണ് റിപ്പോർട്ട് പുറത്തുവിട്ടത്. അപകടത്തിന്റെ കൂടുതൽ വിവരങ്ങൾ പുറത്തുവന്നിട്ടില്ല.
തഞ്ചാവൂരിലെ കലയമ്മേട് ആണ് ദുരന്തം ഉണ്ടായത്. രഥത്തിന്റെ മുകൾഭാഗം വൈദ്യുത കമ്പിയിൽ തട്ടിയാണ് അപകടമെന്നാണ് ലഭിക്കുന്ന പ്രാഥമിക വിവരം. ആറ് പേർക്ക് ഗുരുതരമായി പരിക്കേൽക്കുകയും ചെയ്തിട്ടുണ്ട്. ഇവരെ സമീപത്തെ ആശുപത്രിയിൽ പ്രവേശിപ്പിച്ചു.
അപകടത്തിന്റെ വീഡിയോ ദൃശ്യങ്ങൾ വാർത്താ ഏജൻസിയായ എഎൻഐ പുറത്തുവിട്ടു. രഥത്തിന്റെ ഭാഗങ്ങൾ കത്തിക്കരിഞ്ഞ നിലയിൽ വീഡിയോ ദൃശ്യങ്ങളിൽ കാണാം.
#WATCH | At least 10 people died after a temple car (of chariot festival) came in contact with a live wire in the Thanjavur district in Tamil Nadu pic.twitter.com/F4EdBYb1gV
— ANI (@ANI) April 27, 2022
ജില്ലാ അധികൃതരുടെയും പോലീസിന്റെയും നേതൃത്വത്തിലാണ് രക്ഷാപ്രവർത്തനം നടത്തിയത്. കൊറോണ നിയന്ത്രണങ്ങൾ നീങ്ങിയതിനാൽ വലിയ തിരക്കായിരുന്നു ക്ഷേത്രത്തിൽ ഉണ്ടായിരുന്നത്.
Comments