കുട്ടികളുടെ പ്രിയപ്പെട്ട കളിപ്പാട്ടങ്ങളുടെ കൂട്ടത്തിൽ പ്രധാനപ്പെട്ടതാണ് ബാർബിഡോൾ. മൃദുവായ ഉടുപ്പുകളണിഞ്ഞ് പഞ്ഞിക്കെട്ടുപോലെയുള്ള മുടികളും വിടർന്ന കണ്ണുകളും പാൽപുഞ്ചിരിയും ഒക്കെയുള്ള 17 കാരിയായ ബാർബിഡോൾ ഏത് കുഞ്ഞിനേയും ഒന്ന് ആകർഷിക്കും. ഒന്ന് ഒരുങ്ങി വന്നാൽ എന്റെ കുഞ്ഞിനെ ബാർബി ഡോളിനെ പോലെയുണ്ട് എന്ന് പറഞ്ഞ് അമ്മമാരും കുഞ്ഞുങ്ങളെ പ്രോത്സാഹിപ്പിക്കാറുണ്ടല്ലേ. ഇങ്ങനെ ബാർബിഡോളിനെ പോലെ സുന്ദരിയാവാൻ ആഗ്രഹിക്കുന്ന ഒരുപാട് പേർ നമുക്ക് ചുറ്റുമുണ്ട്. ബാർബിയോടുള്ള ഭ്രമം മൂത്ത് സ്വയം ബാർബിയാകാൻ ആഗ്രഹിച്ച് ശരീരത്തിൽ മാറ്റം വരുത്താൻ ആളുകൾ ശ്രമിക്കുന്നതൊക്കെ പെട്ടെന്ന് വാർത്തയാകാറുണ്ട്. അത്തരത്തിലൊരു യുവതിയുടെ കഥയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്. ജർമ്മൻ യുവതിയായ ജെസീക്കയാണ് ആ താരം.
ബാർബി ഡോളിനെപ്പോലെയാകണമെന്നായിരുന്നു ജെസീക്കയുടെ ആഗ്രഹം. ആഗ്രമല്ല ജന്മലക്ഷ്യം എന്നു തന്നെ പറയാം. അതിനുവേണ്ടി നിരവധി സർജറികൾക്ക് അവൾ വിധേയയായി. തനിക്ക് തന്റെ സ്വപ്ന രൂപം ലഭിച്ചപ്പോൾ വീട്ടുകാരാരും തന്നെ തിരിഞ്ഞു നോക്കുന്നില്ലെന്നതാണ് ജെസീക്കയുടെ ഇപ്പോഴത്തെ സങ്കടം. 21 വയസകാരിയായ ജെസീക്ക 53 ലക്ഷം രൂപയാണ് ഇതുവരെ ബാർബി ഡോളിനെപ്പോലെയാകാൻ ചെലവഴിച്ചത്.ചുണ്ടിന്റെയും മാറിടത്തിന്റെയും മൂക്കിന്റെയുമൊക്കെ അഴകാർന്ന രൂപം കൈവരിക്കാൻ മാസങ്ങളോളം കാത്തിരിക്കേണ്ടിവന്നു ജെസീക്കയ്ക്ക്.
ജെസി ബണ്ണി എന്നാണ് ഓൺലൈൻ ലോകത്ത് ജെസീക്ക അറിയപ്പെടുന്നത്. മൂന്ന് വർഷത്തെ കാത്തിരിപ്പിനൊടുവിലാണ് അവൾക്ക് തന്റെ സ്വപ്നരൂപം ലഭിച്ചത് എന്നാൽ രൂപമാറ്റം സംഭവിച്ചപ്പോൾ ജസീയ്ക്കയ്ക്ക് വീട്ടുകാരുമായുള്ള ബന്ധം തന്നെ നഷ്ടപ്പെട്ടു.വീട്ടുകാരെ വിളിക്കുമ്പോൾ അവരാരും ഫോണെടുക്കാറില്ലെന്നതാണ് ജെസീക്കയുടെ ഏറ്റവും വലിയ സങ്കടമിപ്പോൾ. സംസാരിക്കണമെന്നും സ്നേഹം പങ്കുവെക്കണമെന്നുമൊക്കെ യുവതിയ്ക്ക് ആഗ്രഹമുണ്ട്.പക്ഷേ അവരാരും സംസാരിക്കാൻ കൂട്ടാക്കുന്നില്ലെന്ന് ജെസീക്ക പറയുന്നു.
എന്തിനാണ് രൂപം മാറ്റാൻ പോയത് എന്നാണ് ഇൻസ്റ്റഗ്രാം ഫോളോവേഴ്സിൽ ചിലർ ജെസീക്കയോട് ചോദിക്കുന്നത്. 2020ൽ നിങ്ങളെ കാണാൻ വളരെ സുന്ദരിയായിരുന്നു. എന്തിനാണ് ഇനിയും രൂപമാറ്റം വരുത്തുന്നത് എന്നാണ്
