ഒരു ടണലിലൂടെ വാഹനങ്ങൾ കടന്നു പോകുന്ന ദൃശ്യങ്ങളാണ് ഇപ്പോൾ സോഷ്യൽ മീഡിയയിലെ ചർച്ചാവിഷയം. ഡ്രൈവർമാരെ ഭീതിയിലാഴ്ത്തിയ ഒരു ടണലാണ് ദൃശ്യങ്ങളിലുള്ളത്.
ടണലിലെ വളവിന് സമീപം റോഡ് പകുതി ഇടിഞ്ഞുപോയതായാണ് ഡ്രൈവർക്ക് തോന്നുക. ഇതോട് അൽപം പരിഭ്രാന്തിയിലാണ് ഡ്രൈവർ വളവിലൂടെ വാഹനം കൊണ്ടുപോകുന്നത്. എന്നാൽ ഇല്ലാത്ത ഗർത്തം ഉണ്ടെന്ന് തോന്നി ഡ്രൈവർമാർക്കുള്ളിൽ ആശങ്ക സൃഷ്ടിടിക്കാൻ കാരണം ഒപ്റ്റിക്കൽ ഇല്യൂഷനായിരുന്നു.
Bruh.. LMFAOOOOOOOOO! pic.twitter.com/wZ6UbO0EZp
— Hija De La Gran Puta. (@modamsshe) May 3, 2022
തങ്ങളെ വിഡ്ഢികളാക്കിയ ടണലിലെ വളവിലൂടെയുള്ള യാത്ര ഒരു ഡ്രൈവർ ഫോണിൽ പകർത്തിയതോടെയാണ് ദൃശ്യങ്ങൾ സമൂഹമാദ്ധ്യമങ്ങളിൽ ഇടംപിടിച്ചത്. അകലെ നിന്നും നോക്കുമ്പോൾ ടണലിലെ വളവിൽ റോഡ് ഇടിഞ്ഞ് കിടക്കുകയാണെന്ന് തോന്നിയ സ്ഥലത്ത് കാറുമായി അദ്ദേഹം എത്തി. അവിടെ കുഴിയുമില്ല, ഗർത്തവുമില്ല, റോഡിന് ഇടിവുമില്ലെന്ന് ഡ്രൈവർ തിരിച്ചറിഞ്ഞു.
ടണലിൽ ഘടിപ്പിച്ചിരിക്കുന്ന ബൾബിന്റെ വെളിച്ചത്തിൽ പ്രകാശം വന്ന് പതിക്കുന്ന ഇടത്ത് വെള്ളം പറ്റിക്കിടക്കുന്നുണ്ടായിരുന്നു. ഇതാണ് ഒപ്റ്റിക്കൽ ഇല്യൂഷൻ സൃഷ്ടിക്കാനും അകലെ നിന്ന് നോക്കുമ്പോൾ റോഡ് ഇടിഞ്ഞ് കിടക്കുന്നതായി തോന്നാനും കാരണമായത്.
ഇത്തരം ഒപ്റ്റിക്കൽ ഇല്യൂഷനുകൾ പലപ്പോഴും ഡ്രൈവർമാർ റോഡുകളിൽ അഭിമുഖീകരിക്കേണ്ടി വരാറുണ്ട്. നല്ല വെയിലുള്ള ഘട്ടങ്ങളിൽ റോഡിൽ വെള്ളമുണ്ടെന്നും റോഡ് ഇളകുന്നുണ്ടെന്നുമൊക്കെ തോന്നുന്നത് ഇത്തരം സംഭവങ്ങൾക്ക് ഉദാഹരണങ്ങളാണ്.
Comments