കോഴിക്കോട്: നടിയും മോഡലുമായ ഷഹനയുടെ മരണം ആത്മഹത്യയെന്ന് സൂചന. പ്രാഥമിക പോസ്റ്റ്മോർട്ടം റിപ്പോർട്ടിലാണ് ഇതുമായി ബന്ധപ്പെട്ട സൂചനയുള്ളത്. അതേസമയം ഷഹനയുടെ ശരീരത്തിൽ നിരവധി ചെറിയ മുറിവുകൾ കണ്ടെത്തിയിട്ടുണ്ടെന്ന് മെഡക്കൽ കോളേജ് എസ്പി കെ.സുദർശൻ വ്യക്തമാക്കി.
ശരീരത്തിലെ പാടുകൾ മർദ്ദനമേറ്റതിന്റേതാണോയെന്ന് പരിശോധിക്കും. രാസ പരിശോധനയ്ക്കായി സാമ്പിളുകൾ ശേഖരിച്ചിട്ടുണ്ട്. അടുത്ത ദിവസം തന്നെ ഇത് പരിശോധനയ്ക്ക് വിധേയമാക്കും. വിശദമായ റിപ്പോർട്ട് ലഭിക്കേണ്ടതുണ്ട്. ഇതിന് ശേഷം മാത്രമേ മരണം സംബന്ധിച്ച കൂടുതൽ കാര്യങ്ങൾ വ്യക്തമാകൂ. ഷഹനയുടെ ഭർത്താവ് സജ്ജാദ് ലഹരിയ്ക്ക് അടിമയെന്നും അദ്ദേഹം പറഞ്ഞു.
രാവിലെയാണ് ഷഹനയെ മരിച്ച നിലയിൽ കണ്ടെത്തിയത്. ജനലഴിയിൽ തൂങ്ങിയ നിലയിൽ ആയിരുന്നു മൃതദേഹം. സംഭവത്തിൽ ഭർത്താവ് സജ്ജാദ് പോലീസ് കസ്റ്റഡിയിൽ ആണ്.
