ആദ്യ ഗെയിമിൽ പരാജയപ്പെട്ട എച്ച്എസ് പ്രണോയ് തുടരെ രണ്ട് ഗെയിമുകൾ വിജയിച്ച് ഇന്ത്യയെ ആദ്യമായി തോമസ് കപ്പിന്റെ ഫൈനലിലെത്തിച്ചു. ഡെൻമാർക്കിന്റെ റാസ്മസ് ഗെംകെയെ ആണ് മലയാളി താരം പ്രണോയ് തോൽപ്പിച്ചത്. ആവേശകരമായ തിരിച്ചുവരവിൽ ഇന്ത്യ ഡെന്മാർക്കിനെ 3-2ന് തോൽപ്പിച്ച് ആദ്യമായി തോമസ് കപ്പിന്റെ ഫൈനലിലെത്തി. ഇതോടെ ടൂർണമെന്റിൽ ഒരു വെള്ളിമെഡലെങ്കിലും ഇന്ത്യക്ക് ഉറപ്പായിരിക്കുകയാണ്.
ആദ്യ ഗെയിമിൽ 13-21ന് പ്രണോയ് പരാജയപ്പെട്ടെങ്കിലും, രണ്ടാം ഗെയിമിൽ 21-9ന് വിജയിച്ചു. തായ്ലൻഡിലെ ഇംപാക്ട് അരീനയിൽ നടന്ന തോമസ് കപ്പ് സെമിഫൈനൽ ടൈയിൽ ഡെന്മാർക്കിന്റെ ആൻഡേഴ്സ് സ്കറുപ്പ് റാസ്മുസനും ഫ്രെഡറിക് സൊഗാർഡും നാലാം മത്സരത്തിൽ വിജയിച്ചു. ഇന്ത്യൻ ജോഡികളായ വിഷ്ണുവർധൻ പഞ്ജല-കൃഷ്ണ ഗരാഗ എന്നിവയ്ക്കെതിരായ മത്സരം 21-14, 21-13 എന്ന സ്കോറിനാണ് ഡാനിഷ് ജോഡി സ്വന്തമാക്കിയത്.
തായ്ലൻഡിലെ ഇംപാക്ട് അരീനയിൽ ഡെൻമാർക്കിനെതിരെ നടന്ന തോമസ് കപ്പ് സെമി ഫൈനൽ സിംഗിൽസിൽ കിഡംബി ശ്രീകാന്ത് ഇന്ത്യയ്ക്ക് 2-1 ന് ലീഡ് നേടി കൊടുത്തു. ആൻഡേഴ്സ് ആന്റോൺസണെ 21-18, 12-21, 21-16 എന്ന സ്കോറിനാണ് ശ്രീകാന്ത് പരാജയപ്പെടുത്തിയത്. നേരത്തെ, ചിരാഗ് ഷെട്ടിയും സാത്വിക്സായ്രാജ് രങ്കിറെഡ്ഡിയും കിം അസ്ട്രപ്പ്, മത്യാസ് ക്രിസ്റ്റ്യൻസെൻ എന്നിവരെ ത്രില്ലറിൽ പരാജയപ്പെടുത്തിയപ്പോൾ ഇന്ത്യ ഡെന്മാർക്കിനെതിരെ നടന്നുകൊണ്ടിരിക്കുന്ന തോമസ് കപ്പ് സെമി ഫൈനൽ സമനിലയിലാക്കി. ആദ്യ സെറ്റ് 21-18 ന് സ്വന്തമാക്കിയ ഇന്ത്യൻ ജോഡി രണ്ടാം മത്സരത്തിൽ രണ്ട് മാച്ച് പോയിന്റുകൾ കൈവിട്ടു. എന്നാൽ മൂന്നാം സെറ്റിൽ സാത്വിക്കും ചിരാഗും ചേർന്ന് ഇന്ത്യയെ സമനിലയിൽ എത്തിക്കാൻ ശ്രമിച്ചു.
ഉദ്ഘാടന മത്സരത്തിൽ ലക്ഷ്യ സെന്നിനെ 21-13, 21-13 എന്ന സ്കോറിന് തോൽപ്പിച്ച് വിക്ടർ അക്സൽസെൻ ഡെന്മാർക്കിന് സമനിലയിൽ തുടക്കമിട്ടു. ഇനി ഇന്ത്യ ഫൈനലിൽ ഇന്തോനേഷ്യയെ നേരിടും. ഇന്തോനേഷ്യ സെമിയിൽ ജപ്പാനെ 3-2ന് തോൽപിച്ചു.
