തൃശൂർ: പ്രസവിച്ചയുടൻ കുഞ്ഞിനെ കൊന്ന സംഭവത്തിൽ അമ്മ അറസ്റ്റിൽ. തൃശൂർ മലക്കപ്പാറയിലാണ് യുവതി പ്രസവിച്ച ഉടനെ കുഞ്ഞിനെ കൊലപ്പെടുത്തി തോട്ടിൽ കളഞ്ഞത്. സംഭവത്തിൽ മലക്കപ്പാറ സ്വദേശിനി സിന്ധുവിനെ പോലീസ് അറസ്റ്റ് ചെയ്തു.
23 വയസുള്ള യുവതി അവിവാഹിതയാണ്. ശ്വാസം മുട്ടിച്ചാണ് സിന്ധു കുഞ്ഞിനെ കൊലപ്പെടുത്തിയതെന്ന് പോലീസ് വ്യക്തമാക്കി.മലക്കപ്പാറ ആദിവാസി കോളനിയിലെ താമസക്കാരിയാണ് സിന്ധു.
കൊലപ്പെടുത്തിയ ശേഷം കുഞ്ഞിനെ വീടിന് സമീപത്തെ തോട്ടിൽ ഉപേക്ഷിക്കുകയായിരുന്നു. ചൊവ്വാഴ്ച പകലാണ് യുവതിയുടെ പ്രസവം നടന്നത്. ഉച്ചയോടെയാണ് പ്രദേശവാസികൾ മൃതദേഹം കണ്ടെത്തിയത്. പ്രസവത്തെ തുടർന്നുണ്ടായ അമിത രക്തസ്രവത്തെ തുടർന്ന് യുവതിയെ പോലീസ് ചാലക്കുടി ആശുപത്രിയിലേക്ക് മാറ്റി.
