ലക്നൗ : കാശി വിശ്വനാഥ ക്ഷേത്രത്തിൽ ദർശനം നടത്തി ബോളിവുഡ് താരം കങ്കണ റണാവത്ത്. കങ്കണ പ്രധാന വേഷത്തിലെത്തുന്ന ‘ധാക്കഡ്’ എന്ന ചിത്രത്തിലെ ഗാനം പുറത്തിറക്കുന്നതിന് വേണ്ടിയാണ് താരം വാരാണസിയിൽ എത്തിയത്. തുടർന്ന് സഹതാരങ്ങൾക്കും അണിയറ പ്രവർത്തകർക്കും ഒപ്പം കങ്കണ ക്ഷേത്രത്തിൽ ദർശനം നടത്തി. ചിത്രത്തിലെ മറ്റൊരു പ്രധാന കഥാപാത്രമായ അർജുൻ രാംപാലും കങ്കണയ്ക്കൊപ്പമുണ്ടായിരുന്നു.
കാശിയിലെ എല്ലായിടത്തും മഹാദേവൻ ഉണ്ടെന്ന് ക്ഷേത്ര ദർശനത്തിന് ശേഷം കങ്കണ പറഞ്ഞു. ‘മഥുരയിൽ കൃഷ്ണൻ ഉള്ളത് പോലെ, അയോദ്ധ്യയിൽ എല്ലായിടത്തും ശ്രീരാമൻ ഉള്ളത് പോലെ, കാശിയിലെ എല്ലാ കണികകളിലും മഹാദേവനുണ്ട്. അദ്ദേഹത്തിന് പ്രത്യേകമായി ഒരു സ്ഥലം ആവശ്യമില്ല. ഹര ഹര മഹാദേവ’ കങ്കണ പറഞ്ഞു.
"There's Lord Krishna in every particle of Mathura & Lord Ram in every particle of Ayodhya. Similarly, there's Lord Shiva in every particle of Kashi. He doesn't need a structure, he resides in every particle," Kangana Ranaut when asked about Shivling claim site at Gyanvapi mosque pic.twitter.com/xFzdaT9lAb
— ANI UP/Uttarakhand (@ANINewsUP) May 19, 2022
ഇതിന്റെ ചിത്രങ്ങളും കങ്കണ ഇൻസ്റ്റഗ്രാമിൽ പങ്കുവെച്ചിട്ടുണ്ട്. ധാക്കഡിലെ സഹപ്രവർത്തകർക്കൊപ്പം കാശിയിൽ ദർശനം നടത്തിയെന്നും ഗംഗാ നദിയിൽ ആരതി പൂജ ചെയ്തെന്നും കങ്കണ ഇൻസ്റ്റഗ്രാമിൽ കുറിച്ചു.
ഗംഗാനദീതീരത്ത് ഫ്ലോട്ടിംഗ് എൽഇഡി സ്ക്രീനിലൂടെയാണ് ധാക്കഡ് സിമിനയിലെ ഗാനമായ ‘തൂ ഹേയ് ധാക്കഡ്’ പുറത്തിറക്കിയത്. മെയ് 20 നാണ് ചിത്രം തിയേറ്ററുകളിൽ എത്തുന്നത്.
Comments