ന്യൂഡൽഹി;ഡെഡ്ലിഫ്റ്റ് ചെയ്യുന്ന 80 കാരിയുടെ വീഡിയോ സമൂഹമാദ്ധ്യമങ്ങളിൽ വൈറലാവുന്നു.കൊച്ചുമകന്റെ വെല്ലുവിളി ഏറ്റെടുത്ത് വർക്കൗട്ടുകളിൽ ഏറ്റവും ബുദ്ധിമുട്ടേറിയതെന്ന് പറയുന്ന ഡെഡ്ലിഫ്റ്റ് ചലഞ്ഞ് ഏറ്റെടുത്ത് നിസാരമായി ചെയ്തുകാണിച്ചാണ് 80 വയസുകാരിയായ മുത്തശ്ശി സമൂഹമാദ്ധ്യമങ്ങളിൽ വൈറലാണ്.
ഇത് എടുക്കാൻ മുത്തശിയ്ക്ക് പറ്റുമോ എന്ന് തമാശയ്ക്ക് ചോദിച്ചതാണെങ്കിലും കൊച്ചുമകന്റെ ആ സംശയം ഞൊടിയിടയിൽ തീർക്കുകയായിരുന്നു അവർ. തലയക്ക് മുകളിലേക്ക് ഉയർത്തിയ ബാർബെൽ അൽപ്പ സമയം ഉയർത്തി പിടിച്ച് നിൽക്കുന്നത് വിഡിയോയിൽ കാണാം. പിന്നീട് കൊച്ചുമകൻ എഴുന്നേറ്റ് അത് തിരികെ വാങ്ങുന്നുണ്ട്. പഞ്ചാബി ഇൻഡസ്ട്രി എന്ന ഇൻസ്റ്റഗ്രാം പേജിലാണ് വിഡിയോ പങ്കുവച്ചിരിക്കുന്നത്.
എന്നാൽ ഈ വൃദ്ധയായ സ്ത്രീയോ ഇവരുടെ കൊച്ചുമകനോ ആരാണെന്നത് ഇതുവരെ വ്യക്തമായിട്ടില്ല.ഏതായാലും നിരവധി പേരാണ് മുത്തശ്ശിയെ അഭിനന്ദിച്ച് എത്തിയിരിക്കുന്നത്.
Comments