നടൻ അക്ഷയ് കുമാർ നായകനായ പൃഥ്വിരാജിന്റെ ട്രെയിലർ നിർമ്മാതാക്കൾ പുറത്തുവിട്ടത് മുതൽ ആവേശത്തിലാണ് സിനിമാ ആസ്വാദകർ. റിലീസിന് ഏതാനും ദിവസങ്ങൾ മാത്രം ശേഷിക്കെ, ജൂൺ ഒന്നിന് കേന്ദ്ര ആഭ്യന്തര മന്ത്രി അമിത് ഷായ്ക്കായി പൃഥ്വിരാജിന്റെ പ്രത്യേക സ്ക്രീനിംഗ് നടത്തും.
പന്ത്രണ്ടാം നൂറ്റാണ്ടിലെ യോദ്ധാവായ പൃഥ്വിരാജ് ചൗഹാന്റെ ജീവിതത്തെ അടിസ്ഥാനമാക്കിയുള്ള സിനിമ സംവിധാനം ചെയ്യുന്നത് ചന്ദ്രപ്രകാശ് ദ്വിവേദിയാണ്. ബ്രജ് ഭാഷാ ഇതിഹാസ കാവ്യമായ പൃഥ്വിരാജ് റാസോയെ അടിസ്ഥാനമാക്കിയാണ് ചിത്രം ഒരുക്കിയിരിക്കുന്നത്.
അക്ഷയ് കുമാർ ആണ് കരുത്തനായ സാമ്രാട്ട് പൃഥ്വിരാജ് ചൗഹാന്റെ വേഷമണിയുന്നത്. മാനുഷി ചില്ലർ അദ്ദേഹത്തിന്റെ ഭാര്യ സന്യോഗിതയായി അഭിനയിക്കുന്നു. പൃഥ്വിരാജ് വീക്ഷിക്കാൻ കേന്ദ്ര ആഭ്യന്തര മന്ത്രി അമിത് ഷാ എത്തുന്നതിൽ ആഹ്ലാദം പ്രകടിപ്പിക്കുകയാണ് സംവിധായകൻ ചന്ദ്രപ്രകാശ് ദ്വിവേദിയെന്ന് എഎൻഐ റിപ്പോർട്ട് ചെയ്യുന്നു. ‘
രാജ്യത്തിന് വേണ്ടി ജീവൻ ബലിയർപ്പിച്ച ഭാരതമാതാവിന്റെ ധീര പുത്രന്മാരിൽ ഒരാളായ സാമ്രാട്ട് പൃഥ്വിരാജ് ചൗഹാന്റെ മഹത്തായ ജീവിതത്തിന്റെ ഇതിഹാസ കഥയ്ക്ക് നമ്മുടെ രാജ്യത്തിന്റെ ബഹുമാനപ്പെട്ട ആഭ്യന്തര മന്ത്രി അമിത് ഷാ ജി സാക്ഷ്യം വഹിക്കാൻ പോകുന്നുവെന്ന് ഞങ്ങളുടെ അഭിമാനമാണ്,’ ദ്വിവേദി. പറഞ്ഞു. വിവിധ മാദ്ധ്യമ റിപ്പോർട്ടുകൾ പ്രകാരം, സ്ക്രീനിംഗിൽ പ്രേക്ഷകരായി ചില കാബിനറ്റ് മന്ത്രിമാരും മുതിർന്ന രാഷ്ട്രീയക്കാരും ഉയർന്ന ഉദ്യോഗസ്ഥന്മാരും ഉൾപ്പെടാൻ സാധ്യതയുണ്ട്.
കൊറോണ കാരണം ഒന്നിലധികം തവണ മാറ്റിവച്ച ചിത്രം ഒടുവിൽ ജൂൺ 3ന് ആണ് റിലീസ് ചെയ്യുന്നത്. ഹിന്ദി, തമിഴ്, തെലുങ്ക് ഭാഷകളിൽ റിലീസ് ചെയ്യാൻ ഒരുങ്ങുകയാണ് അക്ഷയ്കുമാർ ചിത്രം. സഞ്ജയ് ദത്ത്, സോനു സൂദ്, അശുതോഷ് റാണ, സാക്ഷി തൻവർ, മാനവ് വിജ്, ലളിത് തിവാരി, തുടങ്ങി നിരവധി താരങ്ങളും പ്രധാന വേഷങ്ങളിൽ എത്തുന്നു. ഈ മാസം ആദ്യം ഹരി ഹർ എന്ന ചിത്രത്തിലെ ആദ്യ ഗാനം പുറത്തിറക്കിയിരുന്നു. ശങ്കർ-എഹ്സാൻ-ലോയ് സംഗീതം നൽകിയ ഗാനത്തിന് മികച്ച പ്രതികരണം ലഭിച്ചിരുന്നു.
Comments