ഭോപ്പാൽ: ഉത്തർപ്രദേശിന് പിന്നാലെ പുതിയ അക്ഷയ് കുമാർ ചിത്രം ‘സാമ്രാട്ട് പ്രിഥ്വിരാജ് ‘ നികുതി രഹിതമായി പ്രഖ്യാപിച്ച് മദ്ധ്യപ്രദേശ് സർക്കാരും. മുഖ്യമന്ത്രി ശിവരാജ് സിംഗ് ചൗഹാൻ ട്വിറ്ററിലൂടെയാണ് ഇക്കാര്യം അറിയിച്ചത്. ചക്രവർത്തി പ്രിഥ്വിരാജ് ചൗഹാന്റെ ജീവിതം ആസ്പദമാക്കി നിർമ്മിച്ച ചിത്രം വെള്ളിയാഴ്ചയാണ് രാജ്യവ്യാപകമായി റിലീസ് ചെയ്യുക.
അക്ഷയ് കുമാർ നായകനായ ചക്രവർത്തി പ്രിഥ്വിരാജിന്റെ ജീവിത കഥയെ ആസ്പദമാക്കി നിർമ്മിച്ച സാമ്രാട്ട് പ്രിഥ്വിരാജ് എന്ന ചിത്രം നികുതി രഹിതമായി സർക്കാർ പ്രഖ്യാപിച്ചിരിക്കുന്നു. ഇത് സിനിമ കാണാൻ കൂടുതൽ യുവാക്കൾക്ക് പ്രചോദനം ആകും. മാതൃരാജ്യത്തോട് കൂടുതൽ സ്നേഹമുള്ളവരാക്കുമെന്നും ശിവരാജ് സിംഗ് ചൗഹാൻ ട്വിറ്ററിൽ കുറിച്ചു.
വ്യാഴാഴ്ച ഉത്തർപ്രദേശ് മുഖ്യമന്ത്രി യോഗി ആദിത്യനാഥ് സാമ്രാട്ട് പ്രിഥ്വിരാജ് സിനിമ അഭിനേതാക്കൾക്കൊപ്പം കണ്ടിരുന്നു. ഇതിന് പിന്നാലെയാണ് സിനിമ നികുതി രഹിതമായി പ്രഖ്യാപിച്ചത്. സാധാരക്കാർക്ക് പോലും സിനിമ ആസ്വദിക്കുന്നതിന് വേണ്ടിയാണ് ഉത്തർപ്രദേശ് സർക്കാർ നികുതി രഹിതമായി പ്രഖ്യാപിച്ചത്.
