ദുബായ്: യുഎഇയിലെ പ്രമുഖ സാഹിത്യ-സാംസ്കാരിക കൂട്ടായ്മയായ അക്ഷരക്കൂട്ടം, കഥ കവിത വിഭാഗത്തിൽ മത്സരം സംഘടിപ്പിക്കുന്നു.ജി.സി.സിയിൽ താമസിക്കുന്ന എല്ലാ പ്രവാസികൾക്കും പ്രായഭേദമന്യേ മത്സരത്തിൽ പങ്കെടുക്കാം. സൃഷ്ടികൾ മുൻപ് പ്രസിദ്ധീകരിച്ചതോ ആശയങ്ങളുടെ അനുകരണമോ പരിഭാഷയോ ആകരുത്. കഥ 8 പേജിലും കവിത 30 വരിയിലും കൂടരുത്.
ക്യാഷ് അവാർഡ്, പ്രശസ്തിപത്രം, പ്രമുഖ കലാകാരൻ നിസാർ ഇബ്രാഹിം രൂപകൽപ്പന ചെയ്ത ശില്പം എന്നിവയാണ് സമ്മാനങ്ങൾ. തെരഞ്ഞെടുക്കപ്പെട്ട രചനകൾ ഉൾപ്പെടുത്തിയിട്ടുള്ള കഥ/കവിത സമാഹാരങ്ങൾ അക്ഷരക്കൂട്ടം പ്രസിദ്ധീകരിച്ച് ഷാർജ പുസ്തകോത്സവവേദിയിൽ പ്രകാശനം ചെയ്യും.
മലയാളത്തിലെ പ്രമുഖ എഴുത്തുകാരടങ്ങുന്ന ജൂറിയാണ് അന്തിമഫലം നിശ്ചയിക്കുക.സൃഷ്ടികൾ പി ഡി എഫ് ആയി ഫോട്ടോയും, മൊബൈൽ നമ്പറും സഹിതം [email protected] എന്ന ഇമെയിൽ വിലാസത്തിൽ 2022 ജൂലൈ 10 നകം അയക്കണമെന്ന്അക്ഷരക്കൂട്ടം അഡ്മിൻ അറിയിച്ചു.
Comments