മലയാളത്തിലെ എക്കാലത്തേയും ഹിറ്റ് ചിത്രങ്ങളിലൊന്നാണ് ഫാസിൽ സംവിധാനം ചെയ്ത് ശോഭനയും മോഹൻലാലും സുരേഷ് ഗോപിയും തകർത്തഭിനയിച്ച മണിചിത്രത്താഴ്.നായികാ കഥാപാത്രം ദ്വന്ദ്വ വ്യക്തിത്വം എന്ന അവസ്ഥയിലൂടെ കടന്നുപോകുന്നതാണ് കഥയുടെ ഇതിവൃത്തം. ദ്വന്ദ്വ വ്യക്തിത്വം മനുഷ്യനെ എത്രത്തോളം ബുദ്ധിമുട്ടിയ്ക്കും എന്നത് ഈ ചിത്രത്തിൽ വ്യക്തമായിരുന്നു.
ഇത് സിനിമയിലെ കാര്യം ജീവിതത്തിൽ ദ്വന്ദ്വ വ്യക്തിത്വം ഉള്ളവരുടെ അവസ്ഥ ഇതിലും ദയനീയമാണ്. അവരുടെ കഥകൾ ആളുകൾ കൗതുകത്തോടെ അറിയാൻ ശ്രമിക്കാറുണ്ട്. എന്നാൽ ഒന്നിലധികം വ്യക്തിത്വങ്ങളുള്ള ഒരു യുവാവിന്റെ കഥയാണിപ്പോൾ സമൂഹമാദ്ധ്യമങ്ങളിൽ വൈറലാവുന്നത്. ജർമനിയിലെ മ്യൂണിക്ക് സ്വദേശിയായ ലിയോനാർഡ് സ്റ്റോക്ക് എന്ന യുവാവിന് രണ്ടും മൂന്നുമല്ല 10 തരം വ്യക്തിത്വങ്ങളാണ് ഉള്ളത്.
4 വയസുകാരി ഹെക്ടർ 8 വയസുകാരി അന്ന, 16കാരി കോസ്മോ, 17കാരി ആഷ് 19 കാരി ജെസ്സി, 21 കാരി ലിയോ, 23 കാരി ബില്ലി,24 കാരി ലിവ്,26 കാരി റെഡ് എന്നിങ്ങനെ പത്തോളം വ്യത്യസ്ത വ്യക്തിത്വങ്ങളാണ് ലിയോനാർഡിനുള്ളത്. നിമിഷനേരം കൊണ്ട് തന്നെ വ്യക്തിത്വങ്ങൾ മാറുന്നതിനാൻ ലിയോനാർഡിന് വീട്ടുകാരുടെ കൂടെ അല്ലാതെ പുറത്ത് പോകാൻ സാധിക്കാറില്ല. പുറത്ത് പോയാൽ ഈ വ്യത്യസ്ത വ്യക്തിത്വങ്ങൾ മൂലം എന്തെങ്കിലും പ്രശ്നം ഉണ്ടാവുന്നതാണ് കാരണം.
ഡിസോസിയേറ്റ് ഐഡന്റിറ്റി ഡിസോർഡർ എന്ന അപൂർവ്വമായ അവസ്ഥ തനിക്കുണ്ടെന്ന് ഈ യുവാവിന് ഇന്ന് അറിയാമെങ്കിലും കുട്ടിക്കാലത്ത് അതിനെ മറികടന്ന് ജീവിക്കുക പ്രയാസമായിരുന്നു. കുട്ടിക്കാലത്ത് പഠനത്തിൽ ശ്രദ്ധ കേന്ദ്രീകരിക്കാൻ സാധിക്കാതെ വന്നതും ഓർമ്മക്കുറവും മറ്റും ഈ യുവാവിനെ വല്ലാതെ അലട്ടിയിരുന്നു.
എന്നാൽ കാരണം അന്വേഷിച്ച അദ്ദേഹത്തിന് 2022 മാർച്ചിലാണ് താൻ കടന്നുപോകുന്ന അപൂർവ്വ അവസ്ഥയെ പറ്റി വ്യക്തമായി മനസിലാക്കാൻ സാധിച്ചത്. ഓരോ വ്യക്തിത്വങ്ങൾക്കും വിത്യസ്തമായ ആഗ്രഹങ്ങളും കഴിവുകളും ഉള്ളത് തന്റെ ആൺസുഹൃത്ത് മാസിമോയ്ക്കൊപ്പമാണ് മറികടക്കുന്നത്.
