ചണ്ഡിഖഡ്: പഞ്ചാബി ഗായകൻ സിദ്ധു മൂസേവാലയുടെ കൊലപാതകത്തിൽ 8 പേർ അറസ്റ്റിൽ . ഹരിയാന സ്വദേശികളായ സന്ദീപ് സിംഗ് ,മോനു ദാഗർ, പവൻ ബിഷ്നോയി, നസീബ് തൽവണ്ടി സ്വദേശി മൻപ്രീത് സിംഗ്, അമൃത്സർ സ്വദേശി മൻപ്രീത് ഭൗ, പ്രഭ്ദീപ് സിദ്ധു എന്ന പബ്ബി എന്നിവരാണ് അറസ്റ്റിലായത്.
കൊലപാതകവുമായി ബന്ധമുള്ള നാല് പോരെ തിരിച്ചറിഞ്ഞതായും പോലീസ് വ്യക്തമാക്കി.എഎൻ 94 ഉപയോഗിച്ചാണ് സിദ്ധു മുസേവാലയെ വധിച്ചത് .. അദ്ദേഹത്തിന്റെ ശരീരത്തില്‍ 19 വെടിയേറ്റ മുറിവുകളുണ്ടെന്നും ,വെടിയേറ്റ് 15 മിനിറ്റിനുള്ളിൽ മരിച്ചുവെന്നുമാണ് പോസറ്റ്‌മോർട്ടം റിപ്പോർട്ട് .
സംഭവ ദിവസം വീട്ടിൽ നിന്ന് ഇറങ്ങിയ സിദ്ധു മൂസേവലയെ കുറ്റവാളികൾ പിന്തുടർന്നു.കാറിന് നേരെ വെടിയുതിർക്കുകയും ചെയ്തു. സുരക്ഷാ ഉദ്ദ്യോഗസ്ഥർ ഒപ്പം ഉണ്ടായിരുന്നില്ല.ആശുപത്രിയിലെത്തിക്കുമ്പോഴേക്കും മരണം സംഭവിക്കുകയായിരുന്നു എന്ന് പഞ്ചാബ് ഡിജിപി വി കെ ഭാവ്ര പറഞ്ഞിരുന്നു.
ഐജിപി പിഎപി ജസ്‌കരൻ സിംഗിന്റെ നേതൃത്വത്തിലുള്ള പ്രത്യേക സംഘം കേസുമായി ബന്ധപ്പെട്ട് അന്വേഷണം നടത്തുകയാണ് .തിരിച്ചറിഞ്ഞ കുറ്റവാളികളെ അറസ്റ്റ് ചെയ്യാനുള്ള ശ്രമങ്ങൾ നടക്കുകയാണ് .
