തൃശ്ശൂർ: ചാവക്കാട് ആളുകൾക്ക് അത്ഭുതമായി ആകാശത്ത് തീ ഗോളം പ്രത്യക്ഷപ്പെട്ടു. കടപ്പുറം തൊട്ടാപ്പ് ലൈറ്റ് ഹൗസ് ഭാഗത്താണ് തീ ഗോളം പ്രത്യക്ഷമായത്. ഇന്നലെ വൈകീട്ടോടെയായിരുന്നു സംഭവം.
വൈകീട്ട് ഏഴുമണിയോടെയാണ് തീഗോളം കണ്ടത്. മൂന്ന് തവണ തീ ഗോളം പ്രത്യക്ഷപ്പെട്ടെന്നാണ് ദൃക്സാക്ഷികൾ പറയുന്നത്. ആദ്യം രണ്ട് തവണ ഒരുമിച്ചായിരുന്നു തീ ഗോളം കണ്ടത്. പിന്നീട് ഇത് അപ്രത്യക്ഷമായി. നിമിഷങ്ങൾക്കുള്ളിൽ മൂന്നാമത്തെ തീ ഗോളവും പ്രത്യക്ഷപ്പെടുകയായിരുന്നു. ഏകദേശം
ഏകദേശം 26 സെക്കന്റോളമാണ് തീ ഗോളത്തിന്റെ ദൃശ്യം കാണാൻ കഴിഞ്ഞത്. സംഭവ സമയം നിരവധി പേർ കടലിൽ ഉണ്ടായിരുന്നു. ഇവരിൽ രണ്ട് പേർ സംഭവത്തിന്റെ ദൃശ്യങ്ങൾ പകർത്തി സമൂഹമാദ്ധ്യമത്തിൽ പങ്കുവെച്ചിട്ടുണ്ട്.
കടലിൽ കണ്ട തീ ഗോളം ഉൽക്കയാണെന്നാണ് കരുതുന്നത്. വിവരം അറിഞ്ഞ് വിദഗ്ധർ ഇക്കാര്യത്തിൽ അന്വേഷണം ആരംഭിച്ചിട്ടുണ്ട്. അതേസമയം കടലിൽ കണ്ട തീ ഗോളം ആളുകളിൽ അത്ഭുതം മാത്രമല്ല ആശങ്കയും നിറച്ചിട്ടുണ്ട്.
