പാകിസ്താനിൽ ഹിന്ദു പുരോഹിതനെ ആക്രമിച്ച് ഇസ്ലാമിക ഭീകരർ; വീട്ടിൽ സൂക്ഷിച്ച ദൈവീക പ്രതിഷ്ഠകൾ അടിച്ചുതകർത്തു; ദൃശ്യങ്ങൾ പുറത്ത്

ഇസ്ലാമാബാദ്: പാകിസ്താനിലെ കറാച്ചിയിൽ ഹിന്ദു പുരോഹിതന്റെ വീട്ടിൽ ഇസ്ലാമിക തീവ്രവാദികളുടെ ആക്രമണം. വീട്ടിൽ സൂക്ഷിച്ചിരുന്ന ദേവിദേവൻമാരുടെ പ്രതിഷ്ഠകൾ മുഴുവനും മതമൗലിക വാദികൾ അടിച്ചുതകർത്തു. കറാച്ചിയിലെ കൊറാങ്ങി ഏരിയയിലാണ് ആക്രമണമുണ്ടായത്.

Islamists attack Hindu priest in Korangi area of Karachi, Pakistan. The temple at his house and Moorties of Gods have been destroyed. Temple was under construction hence Moortis were brought home. No arrests have been made. No global condemnation yet. pic.twitter.com/wW7aNu1FxG

— Aditya Raj Kaul (@AdityaRajKaul) June 9, 2022

ക്ഷേത്രത്തിന്റെ നിർമാണ പ്രവർത്തനം പുരോഗമിക്കുന്നതിനാലാണ് ക്ഷേത്രപൂജാരിയുടെ വീട്ടിൽ പ്രതിഷ്ഠകൾ സൂക്ഷിച്ചുവെച്ചിരുന്നത്. ഇതായിരുന്നു അക്രമികൾ തകർത്തത്. പൂജാരിയെയും മതമൗലികവാദികൾ ആക്രമിച്ചു.

സംഭവത്തിൽ ഇതുവരെ അറസ്റ്റ് രേഖപ്പെടുത്താൻ പോലീസിന് കഴിഞ്ഞിട്ടില്ല. കേസന്വേഷണം പുരോഗമിക്കുകയാണെന്ന് പാക് പോലീസ് പറഞ്ഞു. രാജ്യത്തെ ന്യൂനപക്ഷ സമൂഹത്തിനെതിരെയുള്ള ആക്രമണങ്ങൾ ദിനം പ്രതി വർധിച്ചിട്ടും ന്യൂനപക്ഷത്തിന്റെ സുരക്ഷയുറപ്പാക്കാതെ പാക് സർക്കാർ നോക്കുക്കുത്തിയാവുകയാണെന്നാണ് ആക്ഷേപം.