സാധാരണയായി ചെറിയ ഒരു അസുഖം വന്നാൽ പോലും വേഗത്തിൽ നാം ആശുപത്രികളിൽ പോകാറുണ്ട് .എന്നാൽ കൈക്കുഞ്ഞുമായിആശുപത്രിയിൽ ഒരു കുരങ്ങ് എത്തിയാലോ. ലേശം കൗതുകം തോന്നുന്നുണ്ടാവും അല്ലെ. അത്തരത്തിലോരു വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധനേടുന്നത്.
सासाराम में जब एक बंदर अपने बच्चे के साथ खुद का इलाज़ करवाने पहुंचा निजी अस्पताल। इलाज़ करने वाले डॉक्टर एस एम अहमद खुद को सौभाग्यशाली समझ रहे है की हनुमान जी खुद चलकर इनके पास पहुंचे pic.twitter.com/0NPrAtV6NU
— rajeshkumarojha (@rajeshrepoter) June 8, 2022
ബീഹാറിലെ സസാരാമിലെ ഒരു സ്വകാര്യ ക്ലിനിക്കിലാണ് സംഭവം നടന്നിരിക്കുന്നത്. തന്റെ ശരീരത്തിൽ ഉണ്ടായ ഒരു മുറിവുമായി ക്ലിനിക്കിൽ എത്തുകയായിരുന്നു പരിക്കേറ്റ പെൺകുരങ്ങും കുഞ്ഞും.ശേഷം ഡോക്ടറിന്റെ അനുവാദത്തോടെ അകത്തേക്ക് പ്രവേശിച്ചു.കുഞ്ഞിന് കാലിലും അമ്മയ്ക്ക് തലയിലും പരിക്ക് പറ്റിയിരുന്നു.തുടർന്ന് ഇരുവർക്കും ടെറ്റനസ് കുത്തിവയ്പ്പ് നൽകുകയും മുറിവുകളിൽ മുരുന്ന് പുരട്ടുകയും ചെയ്തു. ചികിത്സയ്ക്ക് ശേഷം ഇരുവർക്കും പുറത്തേക്ക് പോകാൻ വഴി മാറി നൽകാൻ ഡോക്ടർ നിർദ്ദേശം നൽകുകയായിരുന്നു.
ചികിത്സയിലിരിക്കുന്ന പെൺകുരങ്ങ് തന്റെ കുഞ്ഞിനെ മാറോട് ചേർത്ത് പിടിക്കുന്നുണ്ട്. ഇത് ദൃശ്യങ്ങളിൽ വ്യക്തമാണ് .സമൂഹമാദ്ധ്യമങ്ങളിൽ വൻ സ്വീകാര്യതയാണ് വീഡിയോക്ക് ലഭിക്കുന്നത്.ഒപ്പം ചികിത്സ നൽകിയ ഡോ.എസ് എം അഹമ്മദിനെ അനുമോദിച്ചും നിരവധി പേർ രംഗത്ത് എത്തിയിട്ടുണ്ട്.
