ലക്‌നൗ: യുപിയുടെ വികസനത്തിൽ മറ്റൊരു നാഴിക്കല്ലായ ബുന്ദേൽഖണ്ഡ് എക്സ്പ്രസ് ജൂലൈയിൽ രാജ്യത്തിന് സമർപ്പിക്കും. ബുന്ദേൽഖണ്ഡിലെ 300 കിലോമീറ്റർ എക്സ്പ്രസ്വേ പൂർത്തിയായെന്നും പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യുമെന്നുമാണ് സൂചന. ബുന്ദേൽഖണ്ഡ് എക്സ്പ്രസ് വേ അടുത്ത മാസം പ്രധാനമന്ത്രി മോദി ഉദ്ഘാടനം ചെയ്യുമെന്നാണ് ഔദ്യോഗിക വൃത്തങ്ങൾ അറിയിച്ചു. 300 കിലോമീറ്റർ ദൈർഘ്യമുള്ള ബുന്ദേൽഖണ്ഡ് എക്സ്പ്രസ് വേ 27 മാസം കൊണ്ടാണ് പൂർത്തിയാക്കിയത് എന്നത് ശ്രദ്ധേയമാണ്.
ചിത്രകൂട് മുതൽ ഔറയ്യ വരെയാണ് ബുന്ദേൽഖണ്ഡ് എക്സ്പ്രസ് വേ നിർമ്മിക്കുന്നത്. ബുന്ദേൽഖണ്ഡ് എക്സ്പ്രസ് വേ യാഥാർഥ്യമാകുന്നതോടെ 6 ജില്ലകളിലെ ജനങ്ങൾക്ക് ഇതിന്റെ സൗകര്യം ലഭിക്കും. ഈ എക്സ്പ്രസ് വേയുടെ നിർമാണം പൂർത്തിയായാൽ ബുന്ദേൽഖണ്ഡിലെ ജനങ്ങൾക്ക് കുറഞ്ഞ സമയത്തിനുള്ളിൽ ഡൽഹിയിലേക്ക് എത്താനാകും.
എക്സ്പ്രസ് വേയുടെ തറക്കല്ലിടൽ 2019ൽ പ്രധാനമന്ത്രി നരേന്ദ്ര മോദി നിർവഹിച്ചു. 30 മാസങ്ങൾ കൊണ്ട് പൂർത്തിയാക്കാനാണ് ലക്ഷ്യമിട്ടിരുന്നതെങ്കിലും മൂന്ന് മാസം മുമ്പ് യാഥാർഥ്യമാകാൻ കഴിഞ്ഞു. മുഖ്യമന്ത്രി യോഗി ആദിത്യനാഥ് നിരവധി തവണ ബുന്ദേൽഖണ്ഡ് എക്സ്പ്രസ് വേയുടെ പണി പരിശോധിക്കാൻ എത്തിയിരുന്നു.
ചിത്രകൂട്, ബന്ദ, മഹോബ, ഝാൻസി, ഹമീർപൂർ, ജലൗൺ എന്നിവിടങ്ങളിൽ നിന്ന് ആരംഭിക്കുന്ന ഈ എക്സ്പ്രസ് വേയുടെ നീളം 350 കിലോമീറ്ററാണ്. ഇത് ലഖ്നൗ എക്സ്പ്രസ്വേയിലേക്കും ഡൽഹിയിലേക്കും നേരിട്ട് ബന്ധിപ്പിക്കുന്നു. ഈ അതിവേഗ പാത പൂർത്തിയാകുന്നതോടെ മേഖലയിലെ ജനങ്ങൾക്ക് കുറഞ്ഞ സമയത്തിനുള്ളിൽ ഡൽഹിയിലെത്താനാകും. എക്സ്പ്രസ് വേയുടെ മുഴുവൻ ജോലികളും പൂർത്തിയായെന്നും, വെളിച്ചം ക്രമീകരിക്കേണ്ട ജോലികൾ ഏതാണ്ട് അവസാന ഘട്ടത്തിലാണെന്നും ജലൗൺ ഡിഎം നേരത്തെ പരിശോധിച്ച ശേഷം പറഞ്ഞിരുന്നു.
നരേന്ദ്രമോദി പൂർവാഞ്ചൽ എക്സ്പ്രസ് വേ ഉദ്ഘാടനം ചെയ്തിരുന്നു. ഇതുകൂടാതെ 2025ഓടെ പൂർത്തിയാകുമെന്ന് പ്രതീക്ഷിക്കുന്ന ഗംഗ എക്സ്പ്രസ് വേയുടെ പണിയും ദ്രുതഗതിയിൽ നടന്നുവരികയാണ്. സംസ്ഥാനത്തെ ആറാമത്തെയും നീളമേറിയതുമായ ഹൈവേയാകും ഈ എക്സ്പ്രസ് വേ. മീററ്റ് ജില്ലയിൽ നിന്നാണ് ഗംഗ എക്സ്പ്രസ് വേ ആരംഭിക്കുന്നത്, ഇത് പ്രയാഗ്രാജ് ജില്ലയിലെ ബൈപാസിൽ അവസാനിക്കും.
ഗംഗ എക്സ്പ്രസ് വേയുടെ നിർമ്മാണം 12 ജില്ലകൾക്ക് പ്രയോജനം ചെയ്യും. മീററ്റ്, ഹാപൂർ, ബുലന്ദ്ഷഹർ, അംരോഹ, സംഭാൽ, ബദൗൺ, ഷാജഹാൻപൂർ, ഹർദോയ്, ഉന്നാവോ, റായ്ബറേലി, പ്രതാപ്ഗഡ്, പ്രയാഗ്രാജ് എന്നീ ജില്ലകളെ ഈ അതിവേഗ പാത ബന്ധിപ്പിക്കും. ഗംഗ എക്സ്പ്രസ് വേയുടെ 94 ശതമാനം സ്ഥലമേറ്റെടുപ്പ് പൂർത്തിയായിട്ടുണ്ട്.
Comments