ന്യൂഡൽഹി: ഇസ്ലാമിനേക്കാൾ ലക്ഷോപലക്ഷം മടങ്ങ് താൻ ഹിന്ദുമതത്തെ ആദരിക്കുന്നുവെന്ന് ഡച്ച് പാർലമെന്റ് അംഗം ഗീർത് വൈൽഡേഴ്സ്. അതിനുള്ള കാരണവും അദ്ദേഹം ട്വിറ്ററിൽ വിശദീകരിക്കുന്നു.
‘സാംസ്കാരിക ആപേക്ഷികത ഒരു കുഴപ്പം പിടിച്ച ആശയമാണ്. ആളുകൾ തുല്യരാണ്, എന്നാൽ സംസ്കാരങ്ങൾ അങ്ങനെയല്ല. മാനവികതയിലും സ്വാതന്ത്ര്യത്തിലും അധിഷ്ഠിതമായ ഒരു സംസ്കാരമാണ്, അസഹിഷ്ണുതയിലും അടിച്ചമർത്തലിലും അധിഷ്തിതമായ ഒരു സംസ്കാരത്തേക്കാൾ എന്തുകൊണ്ടും മികച്ചത്. അതുകൊണ്ട് ഞാൻ ഹിന്ദുമതത്തെ ഇസ്ലാമിനേക്കാൾ ലക്ഷോപലക്ഷം മടങ്ങ് ആദരിക്കുന്നു.‘ വൈൽഡേഴ്സ് ട്വിറ്ററിൽ കുറിച്ചു.
Cultural relativism is a misleading concept. People are equal but cultures are not. A culture based on humanity and freedom is always better than a culture based on intolerance and submission. Therefore I respect Hinduism a million times more than Islam. #IsupportNupurSharma
— Geert Wilders (@geertwilderspvv) June 13, 2022
മുൻ ബിജെപി വക്താവ് നൂപുർ ശർമ്മയുടെ രാഷ്ട്രീയ പ്രസ്താവനയെ പിന്തുണച്ചു കൊണ്ട് നേരത്തേ വൈൽഡേഴ്സ് രംഗത്ത് വന്നിരുന്നു. പ്രസ്താവനയുടെ പേരിൽ ഇന്ത്യ എന്തിന് മാപ്പ് പണയണമെന്ന് അദ്ദേഹം ചോദിച്ചിരുന്നു. ഇന്ത്യ മാപ്പ് പറയേണ്ടതില്ലെന്നും ഭീഷണിപ്പെടുത്തുന്ന രാജ്യങ്ങൾക്ക് മുന്നിൽ അടിപതറരുതെന്നും അദ്ദേഹം പറഞ്ഞിരുന്നു.
പ്രീണന രാഷ്ട്രീയം കാര്യങ്ങൾ വഷളാക്കുകയേ ഉള്ളൂവെന്നും പാർട്ടി ഫോർ ഫ്രീഡം നേതാവായ ഗീർത് വൈൽഡേഴ്സ് അഭിപ്രായപ്പെട്ടിരുന്നു. മുസ്ലിം രാജ്യങ്ങളുടെ ഭീഷണിക്കു മുമ്പിൽ നിങ്ങൾ അടിപതറരുത്. സ്വാതന്ത്ര്യത്തിനായി നിലകൊള്ളൂ എന്നും ഗീർത് കുറിച്ചിരുന്നു.
നൂപുർ ശർമ്മയെ പിന്തുണച്ചതിന്റെ പേരിൽ ഇസ്ലാമിക മൗലികവാദികളിൽ നിന്നും ഗീർത് വൈൽഡേഴ്സ് വധഭീഷണി നേരിട്ടിരുന്നു. അശ്ലീല ചുവയുള്ള ഭീഷണികളാണ് പലപ്പോഴും ഗീർത് വൈൽഡേഴ്സിന് ലഭിച്ചിരുന്നത്.
Comments