കൊച്ചി : തന്റെ മരണവുമായി ബന്ധപ്പെട്ട വ്യാജ പ്രചാരണങ്ങളോട് പ്രതികരിച്ച് നടി കുളപ്പുളളി ലീല. പണമുണ്ടാക്കാൻ കക്കാൻ പോയാലും ജീവിച്ചിരിക്കുന്നവരെ കൊല്ലുന്ന പരിപാടി ചെയ്ത് പണം ഉണ്ടാക്കരുതെന്ന് അവർ പറഞ്ഞു. ഇത് താൻ അറിഞ്ഞത് ഇന്നലെയാണ്. കേസ് കൊടുക്കില്ലെന്നും അവർ പ്രതികരിച്ചു .
‘കഴിഞ്ഞ ദിവസം ഒരു സമ്മേളനത്തിന് പോകുമ്പോഴാണ് ഒരാൾ വിളിച്ച് കാര്യം പറഞ്ഞത്.പിന്നീട് നിരവധി പേർ വിളിച്ചു.ഇപ്പോഴും കോളുകൾ വരുന്നുണ്ട്.ഞാൻ ഞെട്ടിപ്പോയി.94 വയസുള്ള അമ്മയുണ്ട്. അമ്മയെങ്ങാനും ഇത് അറിഞ്ഞാലോ ?എനിക്ക് അറിയാവുന്ന ഒരാൾ നേരിട്ട് ഇത് പോസ്റ്റ് ചെയ്തിരുന്നു.എന്നെ വിളിച്ച് ചോദിക്കാമായിരുന്നല്ലോ സത്യമാണോയെന്ന് ‘ ലീല ചോദിച്ചു.
മുമ്പും പല താരങ്ങൾ മരിച്ചെന്ന വ്യാജ പ്രചാരണങ്ങൾ സമൂഹമാദ്ധ്യമങ്ങൾ വഴി ജനങ്ങളിലേക്ക് എത്തിയിരുന്നു.നടൻ ജഗതി ശ്രീകുമാർ മുതൽ അമിതാഭ് ബച്ചൻ വരെ ഇത്തരം വാർത്തകളുടെ ഇരയായി മാറിയിട്ടുണ്ട്.
