ന്യൂഡൽഹി : ഡൽഹിയിലെ പ്രഗതി മൈതാൻ ഇന്റഗ്രേറ്റഡ് ട്രാൻസിറ്റ് ഇടനാഴി പദ്ധതിയുടെ ഉദ്ഘാടനത്തിനെത്തി പൊതു ഇടം ശുചീകരിക്കുന്ന പ്രധാനമന്ത്രി നരേന്ദ്രമോദിയുടെ വീഡിയോ സമൂഹമാദ്ധ്യമങ്ങളിൽ വൈറൽ. ചടങ്ങിന് ശേഷം ടണൽ കാണാൻ ഇറങ്ങിയതിനിടെയായിരുന്നു പ്രധാനമന്ത്രിയുടെ പ്രവർത്തി.
ടണലിലെ ചിത്രപ്പണികൾ കണ്ടു നടക്കുന്നതിനിടെ താഴെ ചവറുകൾ വീണുകിടക്കുന്നത് അദ്ദേഹത്തിന്റെ ശ്രദ്ധയിൽ പെട്ടു. നടപ്പാതയിൽ നിന്ന് താഴെയിറങ്ങി പ്രധാനമന്ത്രി ശ്രദ്ധയോടെ ഇവ പെറുക്കിയെടുത്തു. മുന്നോട്ടു നടക്കവേ അരികിൽ കിടന്ന പ്ലാസ്റ്റിക്ക് ബോട്ടിലും പ്രധാനമന്ത്രി എടുക്കുന്നത് ദൃശ്യങ്ങളിൽ കാണാം.
#WATCH | Prime Minister Narendra Modi picks up litter at the newly launched ITPO tunnel built under Pragati Maidan Integrated Transit Corridor, in Delhi
(Source: PMO) pic.twitter.com/mlbiTy0TsR
— ANI (@ANI) June 19, 2022
ദൃശ്യങ്ങൾ സമൂഹമാദ്ധ്യമങ്ങളിൽ പ്രത്യക്ഷപ്പെട്ടതിന് പിന്നാലെ നിരവധി പേർ ഏറ്റെടുത്തു. വീഡിയോ വൈറലായതോടെ പ്രധാനമന്ത്രിക്ക് പ്രശംസയുമായി പ്രമുഖർ ഉൾപ്പെടെ രംഗത്തെത്തി. ഒരു കാര്യത്തോടുള്ള നമ്മുടെ പ്രതിബദ്ധതയാണ് നിങ്ങളുടെ പ്രവർത്തനങ്ങൾ പ്രതിഫലിപ്പിക്കുന്നത് എന്ന് വീഡിയോ പങ്കുവെച്ചുകൊണ്ട് അമിത് ഷാ ട്വിറ്ററിൽ കുറിച്ചു. പ്രധാനമന്ത്രിയ്ക്ക് സ്വച്ഛ ഭാരതിനോടുള്ള സമർപ്പണം പ്രചോദനകരമാണെന്നും അദ്ദേഹം പറഞ്ഞു.
എവിടെ പോയാലും സ്വച്ഛ് ഭാരത് ഉറപ്പുവരുത്താനുളള ഒരു അവസരവും പാഴാക്കാത്ത ആളാണ് നമ്മുടെ പ്രധാനമന്ത്രിയെന്ന് ആയിരുന്നു മൈ ഗവൺമെന്റ് ഇന്ത്യ അക്കൗണ്ടിൽ വീഡിയോ പങ്കുവെച്ച് നൽകിയ ക്യാപ്ഷൻ. രാജ്യത്തെ പൊതു ഇടങ്ങൾ ശുചിയാക്കാനുളള പ്രധാനമന്ത്രിയുടെ സ്വപ്ന പദ്ധതിയായിരുന്നു സ്വച്ഛ് ഭാരത്.
യഥാർത്ഥ ജനസേവകന്റെ ലക്ഷണങ്ങളാണിതെന്നും ഒന്നും നോക്കാതെയും പ്രതീക്ഷിക്കാതെയുമുള്ള പ്രവർത്തനമാണ് പ്രധാനമന്ത്രി നടത്തുന്നത് എന്നും സോഷ്യൽ മീഡിയയിൽ പ്രതികരണങ്ങൾ ലഭിക്കുന്നുണ്ട്.
Comments