സമൂഹമാദ്ധ്യമത്തിൽ ചിരിപടർത്തി വീണ്ടുമെത്തിയിരിക്കുകയാണ് അമേരിക്കൻ പ്രസിഡന്റ് ജോ ബൈഡൻ. സൈക്കിളിന്റെ പെഡലിൽ കാൽ കുടുങ്ങി കെട്ടിമറിഞ്ഞ് വീഴുകയും അതിന് വിശദീകരണം നൽകുകയും ചെയ്തതിന് പിന്നാലെയാണ് ഇപ്പോൾ ബൈഡന്റെ നാക്കുടക്കുന്ന രംഗങ്ങൾ ചർച്ചയായിരിക്കുന്നത്.
ഇത്തവണ അമേരിക്കയെ ഒറ്റവാക്കിൽ വിശേഷിപ്പിക്കാനൊരുങ്ങവേയാണ് അദ്ദേഹത്തിന് അബദ്ധം പറ്റിയത്.
America is a nation that can be defined in a single word:
Asufutimaehaehfutbw
🤣🤣😂🤣😂🤣😭😂🤣😭😭😭pic.twitter.com/laTgT3cnY0
— Kim Dotcom (@KimDotcom) June 22, 2022
വൈസ് പ്രസിഡന്റ് കമലാ ഹാരിസിനൊപ്പം വേദിയിൽ നിന്നുകൊണ്ട് ജനങ്ങളെ അഭിസംബോധന ചെയ്യുകയായിരുന്നു അദ്ദേഹം. അമേരിക്കയെ കൃത്യമായി വിശേഷിപ്പിക്കാൻ തന്റെ പക്കൽ ഒരു വാക്കുണ്ടെന്ന് വിശദീകരിച്ചുകൊണ്ടാണ് വീഡിയോ തുടങ്ങുന്നത്. പക്ഷേ, വിശേഷിപ്പിക്കുന്ന വാക്ക് പറയാനാകാതെ ബൈഡൻ കുഴയുന്നതാണ് പിന്നീടുള്ള രംഗങ്ങൾ.
അമേരിക്ക എന്ന രാഷ്ട്രത്തെ ഒറ്റ വാക്കിൽ വിശേഷിപ്പിക്കാം. ”Asufutimaehaehfutbw” എന്നായിരുന്നു ബൈഡൻ പറഞ്ഞത്. ഇതുകേട്ട് ചിരിയടക്കാനാകാതെ നിൽക്കുന്ന കമല ഹാരിസിനെയും വീഡിയോയിൽ കാണാം. 7.3 ദശലക്ഷത്തിലധികം ആളുകൾ കണ്ട ഈ ദൃശ്യങ്ങൾ ട്വിറ്ററിൽ തരംഗമാണ്. ലക്ഷക്കണക്കിനാളുകളാണ് വീഡിയോക്ക് താഴെ പ്രതികരണവുമായെത്തിയത്.
വീഡിയോ വൈറലായതിന് പിന്നാലെ വിശദീകരണ പോസ്റ്റുമായി ബൈഡനെത്തി. ” നിങ്ങൾക്ക് അമേരിക്കയെ ഒറ്റ വാക്കിൽ നിർവചിക്കാമെന്ന് ഞാൻ എപ്പോഴും ഉറച്ചുവിശ്വസിക്കുന്നു: സാധ്യതകൾ എന്നാണ് ആ വാക്ക്. അമേരിക്കയിൽ എല്ലാവർക്കും അവരുടെ സ്വപ്നങ്ങൾക്കനുസരിച്ച് സഞ്ചരിക്കാനുള്ള അവസരം ലഭിക്കുന്നു. ദൈവം കനിഞ്ഞനുഗ്രഹിച്ച കഴിവ് അതിലേക്ക് നയിക്കുന്നു” ജോ ബൈഡൻ വ്യക്തമാക്കി.
I have always believed you can define America in one word: Possibilities.
In America, everyone should be given the opportunity to go as far as their dreams and God-given ability will take them.
— Joe Biden (@JoeBiden) August 22, 2020
Comments