ന്യൂഡൽഹി : എൻഫോഴ്സ്മെന്റ് ഡയറക്ടറേറ്റിന് എല്ലാ ചോദ്യങ്ങൾക്കും ക്ഷമയോടെ മറുപടി നൽകിയെന്ന രാഹുൽ ഗാന്ധിയുടെ വീരവാദങ്ങൾ പൊളിച്ച് ഇഡി. മിക്ക ചോദ്യങ്ങൾക്കും രാഹുൽ ഉത്തരം നൽകിയില്ലെന്ന് ഇഡി ഉദ്യോഗസ്ഥർ അറിയിച്ചു. പലവട്ടം ക്ഷീണിതനാണെന്ന് പറഞ്ഞുവെന്നും ഇഡി വ്യക്തമാക്കി.
ഇഡിയെ ഭയമില്ലെന്നും തന്റെ ഊർജ്ജം കണ്ട് ഉദ്യോഗസ്ഥർ ഭയന്നുവെന്നും വീരവാദം മുഴക്കിയ രാഹുലിന്റെ പരാമർശങ്ങൾ പൊളിച്ചുകൊണ്ടാണ് ഇഡിയുടെ വിശദീകരണം. നാലിൽ ഒന്ന് ചോദ്യങ്ങൾക്കും രാഹുൽ ഉത്തരം നൽകിയില്ലെന്നാണ് ഇഡി പറഞ്ഞത്.
നാഷണൽ ഹെറാൾഡ് കള്ളപ്പണക്കേസുമായി ബന്ധപ്പെട്ട് അഞ്ച് ദിവസങ്ങളിലായി 54 മണിക്കൂറാണ് രാഹുലിനെ ഇഡി ചോദ്യം ചെയ്തത്. തുടർന്ന് നടത്തിയ പ്രസംഗത്തിൽ ഇഡിയെ ഭയമില്ലെന്നും എത്ര മണിക്കൂർ ചോദ്യം ചെയ്താലും ഭയക്കില്ലെന്നുമാണ് രാഹുൽ പറഞ്ഞത്. ഇഡി ഒന്നുമല്ല. കോൺഗ്രസ് നേതാക്കളെ ഭയപ്പെടുത്താനുമാകില്ലെന്ന് രാഹുൽ ഗാന്ധി പറഞ്ഞിരുന്നു.
ഇതിന് പിന്നാലെയാണ് ഇഡിയുടെ നിർണായക വെളിപ്പെടുത്തൽ.
Comments